સંસદરત્ન પુરસ્કારથી સન્માનિત થશે 17 સાંસદો

સંસદમાં ઉલ્લેખનીય યોગદાન બદલ...

સંસદરત્ન પુરસ્કારથી સન્માનિત થશે 17 સાંસદો

India | 19 May, 2025 | 05:18 PM

ભતૃહરિ મહતાબ (ભાજપ), સુપ્રિયા શૂલે (એનસીપી-એસીપી), એન.કે.પ્રેમચંદન (આરએસપી), શ્રીરંગ અપ્પા બારણે (શિવસેના) સહિતના સાંસદો સંસદરત્ન પુરસ્કારથી સન્માનિત થશે

સાંજ સમાચાર

નવી દિલ્હી તા.19
દેશના 17 સાંસદોને સંસદરત્ન પુરસ્કારથી સન્માનીત કરવામાં આવશે. આ પુરસ્કાર સાંસદોના બિનસરકારી વિધેયક લાવવા, સંસદમાં સવાલ પૂછવા, ચર્ચાઓમાં ભાગ લેવા સહિત અન્ય કાર્યોના આધારે નકક કરવામાં આવે છે.

આ પુરસ્કાર પ્રાઈમ ફાઉન્ડેશન તરફથી શરૂ કરવામાં આવ્યા છે. આ વર્ષના વિજેતાઓની પસંદગી જયુર કમીટીએ કરી, જેની અધ્યક્ષતા હંસરાજ અહિટ (રાષ્ટ્રીય પછાત વર્ગ પંચના અધ્યક્ષ) એ કરી છે. તેમણે જણાવ્યું હતું કે આ પુરસ્કાર એ સાંસદોને અપાય છે.

જેમણે લોકશાહીને મજબૂતી આપવાનો ઉત્કૃષ્ટ યોગદાન આપ્યું છે. 16મ અને 17મી લોકસભામાં ઉત્કૃષ્ટ યોગદાન આપનાર ચાર સાંસદો- ભતૃહરિ મહતાબ (ભાજપ), સુપ્રિયા શૂલે (એનસીપી-એસપી), એમ.કે.રામચંદ્રન (આરએસપી) અને શ્રીરંગ અપ્પા બારણે (શિવસેના)ને વિશેષ સન્માનથી પુરસ્કૃત કરાશે.

સંસદરત્ન પુરસ્કારથી અન્ય સાંસદો- સ્મિતા વાઘ (ભાજપ), નરેશ ગણપતિ મ્હારકે (શિવસેના), મેઘા કુલકર્ણી (ભાજપ), રવિકિશન (ભાજપ), બિદ્યુત બારન મહેતા (ભાજપ), મદન રાઠોડ (ભાજપ), દિલીપ સૌકિઆ (ભાજપ), અરવિંદ સાવંત (શિવસેના- ઉદ્ધવ ઠાકરે જૂથ), વર્ષા ગાયકવાડ (કોંગ્રેસ), પ્રવિણ પટેલ (ભાજપ), નિશિકાંત દુબે (ભાજપ), પી.પી.ચૌધરી (ભાજપ), સી.એન. અન્નાદુરે (ડીએમકે)નો પણ સમાવેશ થાય છે. ઉલ્લેખનીય છે કે સંસદરત્ન પુરસ્કારની શરૂઆત 2010માં થઈ હતી.