ખ્યાતિકાંડના સૂત્રધાર કાર્તિક પટેલ સામે 6000 પાનાની ચાર્જશીટ ફાઈલ

Gujarat, Crime | Ahmedabad | 15 April, 2025 | 04:00 PM

130 સાક્ષીના નિવેદન - સરકારી કમીટીનો રીપોર્ટ પણ સામેલ કરાયો

સાંજ સમાચાર

અમદાવાદ,તા.15
અમદાવાદના ખ્યાતિકાંડમાં મુખ્ય આરોપી કાર્તિક પટેલ સામે 6 હજારથી વધુ પાનાની ચાર્જશીટ ફાઈલ કરવામાં આવી છે. ક્રાઈમ બ્રાંચ દ્વારા ગ્રામ્ય કોર્ટમાં ચાર્જશીટ ફાઈલ કરી છે.

આ ચાર્જશીટમાં 30 મહત્વના સાક્ષીઓના નિવેદન છે. આ કેસમાં અગાઉ 8 આરોપીઓ સામે ચાર્જશીટ ફાઈલ થઈ ચૂકી છે. ખ્ચાતિ હોસ્પિટલના ઓડિટ અંગે પણ ચાર્જશીટમા ઉલ્લેખ કરવામાં આવ્યો છે.

પ્રાપ્ત વિગતો પ્રમાણે અમદાવાદની ખ્ચાતિ હોસ્પિટલના કાંડમાં મુખ્ય આરોપી કાર્તિક પટેલની ધરપકડ કરાયા બાદ હવે તેની સામે ગ્રામ્ય કોર્ટમાં ક્રાઈમ બ્રાંચે ચાર્જશીટ ફાઈલ કરી છે. 6 હજારથી વધુ પાનાની આ ચાર્જશીટમાં 130 મહત્વના સાક્ષીઓના નિવેદનનો સમાવેશ કરાયો છે.

164 મુજબ સાત વ્યક્તિઓના નિવેદન લેવાયા હોવાનો ઉલ્લેખ કરાયો છે. 20 ઈલેક્ટ્રોનિક પુરાવા ક્રાઈમ બ્રાંચે કબ્જે કર્યા છે. પીએમજયની એએસઓપી અને દસ્તાવેજો પણ કબજે કરવામાં આવ્યાં છે.

આ ચાર્જશીટમાં સરકારે રચેલી કમિટીના રિપોર્ટનો પણ ચાર્જશીટમાં સમાવેશ કરાયો છે. ક્રાઈમ બ્રાંચે રજૂ કરેલી ચાર્જશીટમાં ખ્યાતિ કાંડમાં સંકળાયેલા 34 બેંક એકાઉન્ટની વિગતો પણ રજૂ કરાઈ છે.

35 દર્દીઓના હિસ્ટ્રી ફોર્મ પણ કબ્જે કરવામાં આવ્યાં છે. હોસ્પિટલના ઓડિટ અંગે પણ ચાર્જશીટમાં સમાવેશ કરાયો છે. 35 દર્દીઓના હિસ્ટ્રી ફોર્મ પણ કબજે કરવામાં આવ્યા છે. હોસ્પિટલના ઓડિટ અંગે પણ ચાર્જશીટમાં સમાવેશ કરાયો છે. અગાઉ આઠ આરોપીઓ સામે ચાર્જશીટ ફાઈલ થઈ ચૂકી છે.