વલસાડ,તા.18
વલસાડના વશિયર વિસ્તારમાં ગંભીર બેદરકારીનો કિસ્સો સામે આવ્યો છે. અમૂલના મેંગો શ્રીખંડના ગ્રાહકે ખરીદેલા તમામ પેકેટમાંથી ફૂગ મળી આવતાં ખળભળાટ મચી ગયો છે. વલસાડના ગ્રાહકે આ ઘટનાનો વીડિયો પુરાવો લઈને ફૂડ એન્ડ ડ્રગ વિભાગમાં ફરિયાદ નોંધાવી છે.
સ્થાનિક કાપડના વેપારી રતનસિંહ ચૌહાણે ડીમાર્ટ સ્ટોરમાંથી ખરીદેલા અમૂલ મેંગો શ્રીખંડમાં ફૂગ મળી આવતાં ફૂડ એન્ડ ડ્રગ વિભાગમાં ફરિયાદ નોંધાવી છે, સાથે જ તેણે પુરાવારૂપે વીડિયો આપ્યો છે અને કાર્યવાહીની માગ કરી છે. દીકરીનો ફેવરિટી હતો એટલે પિતાએ મેંગો શ્રીખંડની ખરીદી કરી હતી. ખાવા બેઠા અને જોઈને ચોંકી ગયા હતા.
દીકરી માટે શ્રીખંડ ખરીદ્યો હતો રાજસ્થાનથી એક મહિના બાદ પરત ફરેલા રતનસિંહે શુક્રવારે રાત્રે ડીમાર્ટમાંથી તેમની દીકરી માટે અમૂલ મેંગો શ્રીખંડ સહિત અન્ય કિરાણા સામાન ખરીદ્યો હતો. ઘરે આવીને જ્યારે શ્રીખંડનું પેકેટ ખોલ્યું ત્યારે તેમાં ફૂગ જોવા મળી હતી. આ પછી તેમણે બીજું પેકેટ તપાસ્યું જેમાં પણ ફૂગ હતી. તરત જ તેઓ ડીમાર્ટ પરત ફર્યા અને ત્યાં રાખેલા તમામ શ્રીખંડના પેકેટ્સમાં ફૂગ હોવાનું જોવા મળ્યું.
સ્ટોર મેનેજરનો યોગ્ય જવાબ ન મળતાં રતનસિંહે વીડિયો પુરાવા સાથે ફૂડ એન્ડ ડ્રગ વિભાગમાં ફરિયાદ નોંધાવી છે. વિભાગના ડિસ્ટ્રિક્ટ ઓફિસર વડવીએ જણાવ્યા મુજબ શનિવારે સવારે સ્થળ તપાસ કરી યોગ્ય કાર્યવાહી કરવામાં આવશે.
રતનસિંહે જણાવ્યું કે વર્તમાન વાતાવરણમાં જો કોઈ પરિવારે તપાસ્યા વિના આ શ્રીખંડ ખાધો હોત તો તેની ગંભીર અસર થઈ શકી હોત. ડીમાર્ટ અને અમૂલ જેવી મોટી બ્રાન્ડ્સની આવી બેદરકારી ચિંતાજનક છે.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy