મુંબઈ,તા.21
દેશમાં અત્યાર સુધીનાં સૌથી વધુ કોમર્શિયલ લીઝ ભાડામાં, એપલ ઈન્ડીયા સૌથી આગળ છે. એપલે મુંબઈમાં બાંદ્રા કુર્લા કોમ્પ્લેક્સમાં 6526 ચોરસ ફૂટ જગ્યા પ્રતિ ચોરસ ફૂટ 738 ના માસિક ભાડા પર લીધી છે. દસ્તાવેજો અનુસાર, એપલ ઈન્ડિયાએ મેકર મેક્સીટી-5 નામની બિલ્ડિંગ પાંચ વર્ષ માટે ભાડે લીધી છે.
દસ્તાવેજો અનુસાર, અગ્નિ કોમેક્સ એલએલપીએ દર મહિને 48.19 લાખમાં જગ્યા ભાડે આપી હતી અને એપલે 4.33 કરોડની ડિપોઝિટ પણ ચૂકવી હતી. ડીલનો લોક-ઇન સમયગાળો 31 ડિસેમ્બર, 2027 સુધીનો છે, જેને પ્રથમ લોક-ઇન સમયગાળો કહેવામાં આવે છે, અને બીજો લોક-ઇન સમયગાળો 31 ડિસેમ્બર, 2028 સુધીનો છે. દસ્તાવેજો દર્શાવે છે કે ટાવરના 10મા માળે અગાશી પર પણ ઓફિસની 2126 ફુટ જગ્યા એપલે લીધી છે. દસ્તાવેજો દર્શાવે છે કે 19 ડિસેમ્બર, 2024ના રોજ 8.36 લાખની સ્ટેમ્પ ડ્યુટી અને 1000ની નોંધણી ફી ચૂકવીને આ કરાર રજીસ્ટર કરવામાં આવ્યો હતો.
જૂન 2024માં, અગ્નિ કોમ્પલેક્ષ એલએલપીએ મુંબઈમાં દર મહિને 700 પ્રતિ ચોરસ ફૂટના ભાવે આઇએમસી ઈન્ડિયા સિક્યોરિટીઝને લગભગ 5830 ચોરસ ફૂટની જગ્યા ભાડે આપી હતી. આ સોદાએ અગાઉ સૌથી મોંઘી ઓફિસ લીઝનો રેકોર્ડ બનાવ્યો હતો. 2023 માં પ્રકાશિત થયેલાં એક અહેવાલ મુજબ, એપલે અગાઉ મુંબઈનાં બાંદ્રા કુર્લા કોમ્પ્લેક્સના કોમર્શિયલ હબમાં એક મોલમાં ત્રણ માળમાં ફેલાયેલી 20000 ચોરસ ફૂટથી વધુ જગ્યા લગભગ 42 લાખનાં ભાડા પર લીધી હતી.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy