એઇમ્સના ફોરેન્સિક વિભાગ દ્વારા સી.એમ.ઈ. યોજાઈ : ભારત સહિત 6 દેશના તબીબો જોડાયા

Gujarat | Rajkot | 21 January, 2025 | 04:46 PM
ઇરાક, મલેશિયા, નેપાળ, શ્રીલંકા, સુદાન, મળી 700થી વધુ ડોકટરે રજીસ્ટ્રેશન કરાવ્યું હતું
સાંજ સમાચાર

રાજકોટ, તા.21
એઈમ્સ રાજકોટમાં ફોરેન્સિક મેડિસિન ડિપાર્ટમેન્ટ ક્લિનિકલ પ્રેકિટસમાં મેડિકો-લીગલ કેસના મેનેજમેન્ટ વિષય પર નેશનલ સી.એમ.ઇ.નું આયોજન કરવામાં આવ્યું હતું. ફોરેન્સિક વિભાગના હેડ પ્રો. ડો.સંજય ગુપ્તા (ડીન) અને એસોસિયેટ પ્રો.ડો. ઉત્સવ પારેખ દ્વારા આ નેશનલ ટ્રેનિંગનું આયોજન કરાયું હતું.

આ ટ્રેનિંગ મેળવવા માટે દેશોના વિવિધ રાજ્યોમાંથી તેમજ 6થી વધુ દેશો એટલે કે, ભારત, ઇરાક, મલેશિયા, નેપાળ, શ્રીલંકા, સુદાન, વગેરેમાંથી 770થી વધુ ડોક્ટર્સે રજિસ્ટ્રેશન્સ કરાવ્યા હતા. એક્ઝિક્યુટિવ ડાયરેક્ટરે સી.એમ.ઇ.નું ઉદ્ઘાટન કર્યું હતું. ક્લિનિકલ પ્રેકિટસમાં વધતા જતા ડોક્ટરો પરના આરોપો અને કોર્ટ કેસ જેવા લીગલ પ્રશ્ર્નો વિષે આ પ્રકારના ટ્રેનિંગ પ્રોગ્રામના મહત્વ અને સુસંગતતા પર ભાર મૂક્યો હતો. આ ટ્રેનિંગ નો ઉદ્દેશ્ય ક્લિનિકલ પ્રેકિટસમાં આવતા વિવિધ કાનૂની મુદ્દાઓ પર ચર્ચા કરવા માટે એક મંચ પૂરો પાડવાનો હતો. તબીબી પ્રેકિટશનરો તેમની સંબંધિત વિશેષતામાં નિષ્ણાત હોય છે .

પરંતુ ક્લિનિકલ પ્રેકિટસના કાયદાકીય પાસાઓ વિશે વધુ જાણતા હોતા નથી, તેથી આ જાગૃતિના અભાવે તેમની સામે ખોટા આરોપો અને કોર્ટ કેસ વધી રહ્યા છે. આ તકે ઓર્ગેનાઈઝિંગ ચેરમેન અને ડીન એકેડમિક પ્રો.ડો. સંજય ગુપ્તા, પ્રો. ડો. દિનેશ રાવ (એઇમ્સ જમ્મુ)એ ’મેડિકલ નેગ્લિજન્સ’ પર સેશન લીધું હતું, પ્રો. ડો. કૃષ્ણદત્ત ચાવલી (એઇમ્સ રાયપુર) એ મેડિકો લીગલ કેસોના મેનેજમેન્ટ પર અને પ્રો. ડો.જયંતિ યાદવે (એઇમ્સ ભોપાલ) ક્લિનિકલ પ્રેકિટસમાં ક્ધસેન્ટ પર માર્ગદર્શન આપ્યું હતું. એઇમ્સ રાજકોટ ફોરેન્સિક વિભાગના એસોસિયેટ પ્રોફેસર અને ઓર્ગેનાઈઝીંગ સેક્રેટરી ડો. ઉત્સવ પારેખએ સહભાગી ડોક્ટસર્સના વિવિધ જટિલ પ્રશ્નો ઉઠાવ્યા જેનું વિવિધ એઈમ્સના ફોરેન્સિક એક્ષપર્ટ્સ દ્વારા નિરાકરણ કરવામાં આવ્યું હતું.

 

Related News
Sports News
Loading...
Facebook Twitter LinkedIn Pinterest
Get In Touch

Rajkot - Head Office, Sanj Samachar Corporate House, 2nd Floor, Kasturba Road, Near Sharda Baug
Rajkot-360001

0281-2473911-12-13

[email protected]

Privacy-policy
Keep In Touch

Subscribe to Our Newsletter to get Important News & Offers

Download App from

Download android app - Sanj Download ios app - Sanj