બાળકો હવે હજયાત્રા પર જઈ શકશે નહિં

વિઝાના નિયમોમાં ફેરફાર કરાયો : ભીડને કારણે પરવાનગી મળી નહિં

નવી દિલ્હી,તા.17    
મુસ્લિમ સમુદાયનાં દરેક વ્યક્તિ તેમનાં જીવનકાળ દરમિયાન ઓછામાં ઓછાં એક વખત પવિત્ર હજની મુલાકાત લેવા માંગે છે. જે સાઉદી અરેબિયાના મક્કા શહેરમાં છે. જો કે, સાઉદી અરેબિયાએ આ વર્ષનાં હજ યાત્રાનાં નિયમોમાં નોંધપાત્ર ફેરફાર કર્યા છે, જે બાળકોને યાત્રાળુઓ સાથે લઈ જતાં અટકાવે છે. વાર્ષિક મુલાકાત દરમિયાન જબરદસ્ત ભીડને ધ્યાનમાં રાખીને, હજ અને ઉમરા મંત્રાલયે કહ્યું કે આ નિર્ણય બાળકોને બચાવવા માટે લેવામાં આવ્યો હતો. 

બાળકોને હજ યાત્રા પર નહીં લઈ જઈ શકાય :-
હજ યાત્રામાં અગાઉ બાળકોને સાથે લાવવાની મંજૂરી આપવામાં આવી હતી, પરંતુ ભીડને કારણે, બાળકોનાં આગમન પર પ્રતિબંધ મૂકાયો છે. યાત્રાનો અનુભવ વધુ આરામદાયક બનાવવા માટે બાળકોને સાથે ન લાવવાની સલાહ આપવામાં આવી છે. મંત્રાલયે કહ્યું કે, હજ યાત્રા દરમિયાન મોટી સંખ્યામાં શ્રધ્ધાળુઓ આવે છે અને ભીડને કાબૂમાં રાખવી ખૂબ મુશ્કેલ બની જાય છે. તેથી બાળકોની હજ યાત્રા પર પ્રતિબંધ મૂકવામાં આવ્યો છે.

રજીસ્ટ્રેશન અને પેમેન્ટ વિશે જાણો
સાઉદી નાગરિકો અને રહેવાસીઓ હવે ગઞજઞઊં એપ અથવા સત્તાવાર વેબસાઇટ દ્વારા હજ સીઝન 2015 માટે અરજી કરી શકે છે. નવાં નિયમો અનુસાર, અરજદારોએ તેમની બધી વિગતો ચકાસી અને તેમનાં મુસાફરીના સાથીઓની નોંધણી કરવી પડશે.  

ત્રણ હપ્તામાં પેમેન્ટ ચૂકવી શકાશે :-
યાત્રાળુઓ માટે એક નવો ઇન્સ્ટોલમેન્ટ  વિકલ્પ મંત્રાલય દ્વારા બનાવવામાં આવ્યો છે. હવે તમે હજ પેકેજ માટે ત્રણ હપ્તામાં ચુકવણી કરી શકો છો. મંત્રાલયે સ્પષ્ટ કર્યું કે અંતિમ ચુકવણી પ્રાપ્ત થાય ત્યાં સુધી આરક્ષણની પુષ્ટિ કરવામાં આવશે નહીં. વધુને વધુ મુસ્લિમ લોકો પોતાનાં જીવનકાળમાં ઓછામાં ઓછા એક વખત હજ યાત્રા કરી શકે તેથી મંત્રાલય હપતા આધારિત ચુકવણીનો વિકલ્પ શરૂ કર્યો છે.  

વિઝા સંબંધિત નિયમો :-
હજ યાત્રામાં ગેરકાયદેસરત રીતે સામેલ યાત્રાળુઓને રોકવા માટે સાઉદી અરેબિયાએ પણ તેની વિઝા નીતિમાં મોટો ફેરફાર કરવાની જાહેરાત કરી છે. 1 ફેબ્રુઆરી, 2025 સુધી, ભારત સહિત 14 દેશોનાં વ્યક્તિઓ ફક્ત સિંગલ ઇન્ટ્રી વિઝાને પાત્ર હશે. આ પગલાનો હેતુ બહુવિધ એન્ટ્રી વિઝાના દુરૂપયોગને અટકાવવાનો છે, જેનો ઉપયોગ કેટલાક મુસાફરોએ સત્તાવાર નોંધણી વિના હજ યાત્રા કરવા માટે કરે છે.

►હજ યાત્રા કરતાં પહેલાં આ બાબતો ધ્યાનમાં રાખો 
સાઉદી અરેબિયા તેમનાં હજ કાયદાને વધુ મજબૂત બનાવવા માટે તેમને વધુ સુલભ, સુવ્યવસ્થિત અને સલામત બનાવવા પર કામ કરતું રહે છે, જેથી કોઈ પણ વ્યક્તિને હજ યાત્રા  દરમિયાન મુશ્કેલીનો સામનો ન કરવો પડે.  અધિકારીઓ આ વર્ષે 2025 ની મુસાફરીને સલામત અને સરળ બનાવવાનો પ્રયાસ કરી રહ્યાં છે અને યાત્રાળુઓની સમસ્યાઓ ટાળવા યોગ્ય વેબસાઇટ દ્વારા નોંધણી કરવાની સલાહ આપી રહ્યાં છે.