સોમનાથ ધારાસભ્ય વિમલ ચુડાસમાને પાલિકાની ચૂંટણી લડવા કોર્ટની મંજૂરી

Local | Veraval | 13 December, 2024 | 12:48 PM

કોંગ્રેસ સમિતિ દ્વારા વાજતે-ગાજતે સ્વાગત: ખુશી મનાવી

સાંજ સમાચાર

વેરાવળ, તા.13
ચોરવાડ શહેરના વતની અને સોમનાથના ધારાસભ્ય તેમજ ગુજરાત વિધાનસભાના ઉપદંડક વિમલભાઈ ચુડાસમાને કોર્ટ દ્વારા ચોરવાડ નગરપાલિકાની ચુટણી લડવા માટે મંજૂરી અપાવવા ગુજરાત હાઇકોર્ટના વકીલ બી.એમ.માંગુકિયા, વકીલ બેલાબેન પ્રજાપતિ, વકીલ દેવલભાઇ પંડ્યા, વકીલ કે.જી.ડાભી, વકીલ હીરાભાઈ ભાદરકા, વકીલ જિગ્નેશભાઈ સેવરા ઓની મહેનતથી આજરોજ કોર્ટ દ્વારા ચોરવાડ નગરપાલિકાની ચુટણી લડવા માટે મંજૂરી મળેલ છે.

જેને લઈ ચોરવાડ કોંગ્રેસ સમિતિ તેમજ ગ્રામજનો દ્વારા હારતોરા, ઢોલ સરણાઇ, આતીશબાજી સાથે ચોરવાડના મેઇન ગેઇટ ખાતે સ્વાગત કરેલ તેમજ ત્યારબાદ લીમડા ચોક ખાતે આતીશબાજી કરલ, આ તકે ચોરવાડ નગરપાલિકાના પૂર્વ પ્રમુખ જલ્પાબેન વિમલભાઈ ચુડાસમા, ભૂવાઆતાશ્રીઓ, ચોરવાડ નગરપાલિકાના પૂર્વ સદસ્ય, ગ્રામજનો, આગેવાનો, કાર્યકર્તા, યુવાનો બહોળી સંખ્યામાં ઉપસ્થિત રહેલ હતા.

ધારાસભ્ય વિમલભાઈ ચુડાસમા દ્વારા વધુમાં જણાવેલ કે સોમનાથ દાદા, માં ભવાનીના આશીર્વાદથી તેમજ લોકોની વચ્ચે રહી લોકોના સુખ દુ:ખના કાર્યો હોય કે લોક ઉપયોગી વિકાસના કામો હોય સતત લોકોની વચ્ચે રહી લોકોના કામ કર્યાનું ફળ મળેલ હોવાનું એક યાદીમાં જણાવેલ. (તસ્વીર : મીલન ઠકરાર-વેરાવળ)