રાજકોટ તા.20
રાજકોટ જીલ્લા પંચાયતની સામાન્ય સભામાં 15માં નાણાપંચના 8.27 કરોડના વિકાસકામોનો ઠરાવ કરીને મંજુરી માટે વિકાસ કમિશ્ર્નરને મોકલી દેવાનુ નકકી કરવામાં આવ્યુ હતું. ખાસ સામાન્ય સભા હોવાના કારણોસર પ્રશ્નોતરી ન હતી અને માંડ 10 જ મીનીટમાં બેઠકની કામગીરી આટોપાઈ ગઈ હતી.
રાજકોટ જીલ્લા પંચાયતના પ્રમુખ પ્રવિણાબેન રંગાણીના અધ્યક્ષસ્થાને સામાન્યસભા યોજાઈ હતી.
15માં નાણાપંચની ગ્રાન્ટમાંથી સભ્યોને નાણાકીય ફાળવણી અને તેમાં સુચવાયેલા કામનો એજન્ડા મુખ્ય હતો. તે પેટે 2025-26 માટે 4.96 કરોડની ટાઈડ ગ્રાન્ટ તથા 3.30 કરોડની અનટાઈડ ગ્રાન્ટ મળીને કુલ 8.27 કરોડના વિકાસકામોને બહાલી આપી મંજુરી માટે વિકાસ કમિશ્ર્નરને મોકલવાનુ નકકી કરવામાં આવ્યુ હતું.
પ્રમુખ પ્રવિણાબેન રંગાણીએ કહ્યું કે સભ્યોની ગ્રાન્ટમાંથી જુદી-જુદી જોગવાઈ કરવામાં આવી છે. 36 પ્રાથમીક શાળામાં સોલાર રૂફટોપ માટે 45 લાખ તથા શાળાઓમાં ઈન-વોટર હારવેસ્ટીંગ સિસ્ટમ માટે 43 લાખની ગ્રાન્ટની જોગવાઈ છે. આ સિવાય 5 આરોગ્ય કેન્દ્ર ખાતે ઈ-હોસ્પીટલ માટે 7.5 લાખ તથા પાંચ પ્રાથમીક આરોગ્ય કેન્દ્રો માટે 15 લાખ ફાળવાયા છે.
72 ગામોમાં જળસંચયના કામો માટે 43 લાખની જોગવાઈ છે. 12 પશુ દવાખાનામાં વેકસીન સાચવવા રેફ્રીજરેટર માટે 9 લાખ, 275 આંગણવાડીમાં આરઓ સીસ્ટમ વસાવવા 22 લાખ, 1360 આંગણવાડી ખાતે બ્લુટુથ સ્પીકર માટે 10 લાખ, ઈગ્રામ સેન્ટરમાં કોમ્પ્યુટર સ્કેનર માટે 10 લાખ, પાંચ આયુર્વેદીક વાટીકા માટે પાંચ લાખ, ઘનકચરાના નિકાલ માટે 36 ટ્રેકટર વસાવવા 196 લાખ તથા 76 ટીયરવાન માટે 196 લાખની જોગવાઈ છે.
બેઠકમાં સ્ટેમ્પ ડયુટી ગ્રાન્ટ (સ્વભંડોળ)માંથી સભ્યોએ સુચવેલા 243 વિકાસકામોને બહાલી આપવામાં આવી હતી.
આ ઉપરાંત 10 ટકા નાણાપંચના હેતુફેર માટે 2020-21થી 2024-25ના 15 કામોમાં ફેરફારને બહાલી તથા વ્યાજ બચતની રકમમાંથી સુચવાયેલા 22 કામોને મંજુરી આપવામાં આવી હતી.ખાસ સામાન્ય સભાના એજન્ડાની દરખાસ્તો મર્યાદીત હતી એટલે 10 મીનીટમાં જ કામગીરી પુર્ણ કરી લેવામાં આવી હતી.
અર્ધો ડઝન સભ્યો ગેરહાજર
રાજકોટ જીલ્લા પંચાયતની સામાન્યસભામાં 36માંથી અર્ધોડઝન સભ્યોએ રજા રિપોર્ટ મુકયો હતો અને ગેરહાજર રહ્યા હતા. પુર્વ પ્રમુખ ભુપત બોદર, પુર્વ કારોબારી ચેરમેન સહદેવસિંહ જાડેજા સહિતના સભ્યો ગેરહાજર હતા.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy