ગાંધીનગર,તા.17
આજે ગુજરાતમાં નેશનલ સ્ટાર્ટ અપ ડેની ઉજવણી કરવામાં આવી હતી. આ કાર્યક્રમમાં શિક્ષણ મંત્રી કુબેર ડીંડોર, પ્રફુલ પાનશેરીયા સહીત અગ્રણીઓએ હાજરી આપી હતી. અને આ જ કાર્યક્રમ બાદ શિક્ષકોની ભરતીને લઈને શિક્ષણ મંત્રી કુબેર ડીંડોરને પ્રશ્નો પૂછવામાં આવ્યા હતા.
છેલ્લા કેટલાક મહિનાઓ પહેલા જ શિક્ષકોની ભરતીની જાહેરાત કરવામાં આવી હતી. જેમાં 24,700 જેટલી શિક્ષકોની ભરતી કરવામાં આવશે તેવી જાહેરાત કરવામાં આવેલી. આજે આ મામલે શિક્ષણ મંત્રીએ જવાબ આપ્યો હતો.
શિક્ષણમંત્રી કુબેર ડિંડોરે કહ્યું હતું કે, અમે શિક્ષકોની ભારતીને લઈને તૈયારીઓ કરી જ રહ્યા છીએ. ભરતીની જાહેરાત બાદ તેમાં વિલંબ થયો છે. તબક્કાવાર બધી ભરતીઓ કરવામાં આવશે.
ભરતી પારદર્શક હશે, ઓનલાઇન હશે એટલે કોઈ ગેરરીતિ થવાના કે કોઈ તકલીફ થવાના કોઈ પ્રશ્નો ઉભા થશે નહિ. સાથે જ આગામી એક જ મહિનામાં આ સમગ્ર ભરતી પૂરી કરવાં આવશે. તેવું એલાન પણ શિક્ષણમંત્રી કુબેર ડિંડોરે કર્યું હતું.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy