Ipl મેચ યોજવા ઈંગ્લેન્ડ બોર્ડે તેની જગ્યાએ યજમાની માટે ઓફર કરી

ઈંગ્લેન્ડ બોર્ડની BCCI સાથે ડીલ?

IPL મેચ યોજવા ઈંગ્લેન્ડ બોર્ડે તેની જગ્યાએ યજમાની માટે ઓફર કરી

India, World, Sports | 10 May, 2025 | 11:58 AM

સાંજ સમાચાર

દિલ્હી, તા.10
ભારત અને પાકિસ્તાન વચ્ચેના સૈન્ય અવરોધને કારણે શુક્રવારે IPL એક અઠવાડિયા માટે સ્થગિત કરવામાં આવી હતી, જેના પગલે અટકળો તેજ થઈ ગઈ છે કે જો IPL 2025 ની બાકીની મેચો ભારતમાં યોજવામાં ન આવે તો BCCI પાસે કયા વિકલ્પો હશે.

પૂર્વ ક્રિકેટર માઈકલ વોને ઈંગ્લેન્ડમાં આઈપીએલ મેચો આયોજિત કરવાની ઓફર કરી હતી, ત્યારબાદ મીડિયા રિપોર્ટ્સ અનુસાર ઈંગ્લેન્ડ અને વેલ્સ ક્રિકેટ બોર્ડે BCCI સાથે ટૂર્નામેન્ટના આયોજન અંગે વાત કરી છે.

ECBએ શુક્રવારે સાંજે BCCI નો સંપર્ક કર્યો. જો કે બીસીસીઆઈ તરફથી આ અંગે કોઈ નિવેદન આવ્યું નથી. બીસીસીઆઈના સચિવ દેવજીત સૈકિયાએ શુક્રવારે જારી કરેલા નિવેદનમાં જણાવ્યું હતું કે આઈપીએલ 2025 તાત્કાલિક અસરથી એક સપ્તાહ માટે સ્થગિત કરવામાં આવી છે.

IPL ને એક સપ્તાહ માટે સ્થગિત કરવાનો નિર્ણય BCCIના વરિષ્ઠ અધિકારીઓ અને IPL ગવર્નિંગ કાઉન્સિલ દ્વારા તમામ મુખ્ય હિતધારકો સાથે ચર્ચા કર્યા બાદ લેવામાં આવ્યો હતો. આ બેઠકમાં IPL ના અધ્યક્ષ અરુણ ધૂમલ પણ હાજર હતા.

જમ્મુ અને પઠાણકોટમાં હવાઈ હુમલાની ચેતવણીને પગલે ધર્મશાલામાં પંજાબ કિંગ્સ અને દિલ્હી કેપિટલ્સ વચ્ચે ગુરુવારની મેચ રદ કરવામાં આવ્યા બાદ ચાલી રહેલી IPL ના ભાવિ પર અનિશ્ચિતતાના વાદળો છવાઈ ગયા હતા.

બીસીસીઆઈના સચિવ દેવજીત સૈકિયાએ એક રિલીઝમાં જણાવ્યું હતું કે, બીસીસીઆઈએ તાત્કાલિક અસરથી બાકીની આઈપીએલ મેચોને એક સપ્તાહ માટે સ્થગિત કરવાનો નિર્ણય લીધો છે. અગાઉ એવા અહેવાલ હતા કે IPL અનિશ્ચિત સમય માટે સ્થગિત કરવામાં આવી છે.

નવા કાર્યક્રમ અને ટુર્નામેન્ટની માહિતી સમયસર આપવામાં આવશે તેમ જણાવાયું હતું. આ પહેલા, સંબંધિત સત્તાવાળાઓ અને હિતધારકો સાથે પરિસ્થિતિની વ્યાપક સમીક્ષા કરવામાં આવશે." લીગ 25 મેના રોજ કોલકાતામાં સમાપ્ત થવાની હતી.

બોર્ડ બાકીની 16 મેચો (12 લીગ અને ચાર નોકઆઉટ) સમયસર શેડ્યૂલ કરવાનો પ્રયાસ કરશે. એવી અટકળો છે કે જો આ સપ્ટેમ્બરમાં યોજાનાર એશિયા કપને મોકૂફ રાખવામાં આવે તો તે એક વિકલ્પ છે.