IMF એ કંગાળ પાકિસ્તાનને ‘બટકુ’ ફેંકયુ : એક અબજ ડોલરના બેલઆઉટ પેકેજને મંજુરી
મતદાનમાં ભારત ગેરહાજર : સંભવિત નિર્ણયને ખતરનાક ગણાવ્યો છે
ન્યુ દિલ્હી : આંતરરાષ્ટ્રીય નાણાકીય ભંડોળ (IMF) એ પાકિસ્તાનને 1 અબજ ડોલરના બેલઆઉટ પેકેજની જાહેરાત કરી છે. પાકિસ્તાનના વડા પ્રધાન શાહબાઝ શરીફના કાર્યાલય (PMO) દ્વારા આ જાહેરાત કરવામાં આવી હતી.
શાહબાઝ શરીફના કાર્યાલયે જણાવ્યું હતું કે, શુક્રવારે (9 મે, 2025), IMF એ હાલની વિસ્તૃત ભંડોળ સુવિધા હેઠળ પાકિસ્તાનને લગભગ 1 બિલિયનની તાત્કાલિક રકમ મંજૂર કરી છે.
પાક પીએમઓ દ્વારા જારી કરાયેલા એક નિવેદન અનુસાર, "વડાપ્રધાન શાહબાઝ શરીફે IMF દ્વારા પાકિસ્તાન માટે 1 બિલિયન ડોલરના હપ્તાને મંજૂરી આપવા અને ભારત દ્વારા તેની વિરુદ્ધ મનમાનીથી કાર્યવાહી કરવામાં નિષ્ફળતા પર સંતોષ વ્યક્ત કર્યો છે. નિવેદનમાં કહેવામાં આવ્યું છે કે, પાકિસ્તાનની આર્થિક સ્થિતિમાં સુધારો થયો છે અને દેશ વિકાસ તરફ આગળ વધી રહ્યો છે.”
શુક્રવારે ભારતે પાકિસ્તાનને 2.3 અબજ ડોલરની નવી લોન આપવાના IMFના પ્રસ્તાવનો વિરોધ કર્યો હતો, અને કહ્યું હતું કે, આ નાણાંનો દુરુપયોગ રાજ્ય પ્રાયોજિત સરહદ પાર આતંકવાદને નાણાં આપવા માટે થઈ શકે છે. આ સંદર્ભમાં યોજાયેલી આંતરરાષ્ટ્રીય નાણાકીય ભંડોળની મહત્વપૂર્ણ બેઠકમાં ભારત મતદાનથી દૂર રહ્યું.
મતદાનના પરિણામો પાકિસ્તાનની તરફેણમાં આવ્યા અને તેને IMF દ્વારા લોન આપવામાં આવી. એક જવાબદાર સભ્ય દેશ તરીકે પાકિસ્તાનના ખરાબ ભૂતકાળના રેકોર્ડને ધ્યાનમાં રાખીને ભારતે IMF કાર્યક્રમો પર ચિંતા વ્યક્ત કરી.
નાણા મંત્રાલયે એક નિવેદનમાં જણાવ્યું હતું કે, પાકિસ્તાનને મળેલી રકમનો ઉપયોગ રાજ્ય પ્રાયોજિત સરહદ પારના આતંકવાદને નાણાં પૂરા પાડવા માટે થઈ શકે છે.
ઉલ્લેખનીય છે કે, IMF બોર્ડ શુક્રવારે એક્સટેન્ડેડ ફંડ ફેસિલિટી લોન પ્રોગ્રામની સમીક્ષા કરવા માટે મળ્યું હતું, જેમાં ભારતે પોતાનો વિરોધ નોંધાવ્યો હતો. બેઠકમાં પાકિસ્તાન માટે એક નવો ફ્લેક્સિબિલિટી એન્ડ સ્ટેબિલિટી ફેસિલિટી (RSF) લોન પ્રોગ્રામ ($1.3 બિલિયન) પણ વિચારણામાં આવ્યો હતો.
ભારતે કહ્યું કે, સરહદ પાર આતંકવાદને પ્રોત્સાહન આપનારાઓને સતત પુરસ્કાર આપવાથી વૈશ્વિક સમુદાયને ખતરનાક સંદેશ મળે છે. તે ભંડોળ એજન્સીઓ અને દાતાઓની પ્રતિષ્ઠાને પણ જોખમમાં મૂકે છે અને વૈશ્વિક મૂલ્યોની મજાક ઉડાવે છે. આ બેઠકમાં ભારત ગેરહાજર રહ્યું હતું.
_copy.jpg)
_copy.jpg)
_copy.jpg)
_copy.jpg)
