ખુશી કપુરની હાથની વીંટીની કિંમત રૂ. 13 લાખ! : મોટી બહેન જહાનવી અને મમ્મીના કપડા પહેરે છે!

શ્રી દેવીની નાની પુત્રી......

ખુશી કપુરની હાથની વીંટીની કિંમત રૂ. 13 લાખ! : મોટી બહેન જહાનવી અને મમ્મીના કપડા પહેરે છે!

India, Entertainment | 15 April, 2025 | 03:15 PM

સાંજ સમાચાર

મુંબઈ,તા.15
શ્રીદેવીની દીકરી ખુશી કપૂર બોલીવુડમાં પોતાનું સ્થાન બનાવવા માટે મહેનત કરી રહી છે. તે ઍક્ટિંગની સાથે-સાથે પોતાની ફેશન-સેન્સને કારણે પણ ચર્ચામાં છે.

હાલમાં એક ફેશન અવોર્ડ્સ શોમાં ખુશીના ગોલ્ડન લુકે બધાનું ધ્યાન પોતાની તરફ ખેંચ્યું હતું. આ ઇવેન્ટમાં ખુશીએ બ્રિટિશ લક્ઝરી બ્રેન્ડ વિવિયન વેસ્ટવુડનો ગોલ્ડન શિમરી ગાઉન પહેર્યો હતો જેમાં તેના બોડી કર્લ્સ બહુ સારી રીતે હાઇલાઇટ થતા હતા.

આ ડ્રેસની સાથે ગોલ્ડન આઇશેડો, બોલ્ડ આઇલાઇનર અને ન્યુડ ગ્લોસી લિપસ્ટિકમાં ખુશી ગજબની સુંદર લાગી રહી હતી. જોકે આ લુકમાં સૌથી વધારે હાઇલાઇટ થતી હતી ખુશીની સ્ટેટમેન્ટ રિંગ. આ આઉટફિટ સાથે ખુશીએ કાર્ટિએર બ્રેન્ડની જે રિંગ પહેરી હતી એની કિંમત લગભગ 13.9 લાખ રૂપિયા છે એમ માનવામાં આવે છે.

ખુશીની ફેશન-સૈન્સનાં વખાણ થાય છે ત્યારે તેનો એક જૂનો વિડિયો સોશ્યલ મીડિયામાં વાઇરલ થઈ રહ્યો છે. આ વિડિયોમાં તે ફેશન વિશે વાત કરતાં કહે છે કે ’હું માનું છું કે ફેશન ટાઇમલેસ છે. હું આજે પણ મારી મમ્મી અને મારી બહેનનાં કપડાં પહેરું છું. મારી ફેશન આઈકન મારી મોટી બહેન જાહ્નવી કપૂર છે.’