મહાકુંભની વાયરલ ગર્લ મોનાલીસા જાળમાં ફસાઈ? ફિલ્મના ડાયરેકટર મિશ્રા મામલે ચોંકાવનારા ખુલાસા

India, Entertainment | 18 February, 2025 | 09:47 AM

મિશ્રા સાથે ફિલ્મ બનાવી ચુકેલા પ્રોડયુસર વસીમ રિઝવી કહે છે તેની પાસે કોઈ ફાયનાન્સિયર નથી, કેવી રીતે ફિલ્મ બનાવશે

સાંજ સમાચાર

મુંબઈ,તા.18
’મહાકુંભની વાયરલ ગર્લ મોનાલિસા ટ્રેપમાં ફસાઈ છે. મને અફસોસ થઈ રહ્યો છે કે, મોનાલિસા અને તેના ફેમિલી ઉપર, આ સાવ સાદા લોકો છે. અમે પણ કુંભમાંથી તેના વાયરલ ફોટા જોયા હતા, પરંતુ સનોજ મિશ્રા જેવા દિગ્દર્શક તેના ઘરે પહોંચ્યા અને તેણીને તેના વિશે કંઈ ખબર પણ નથી. અને તેણે તેની પુત્રીને તેને સોંપી દીધી.’... આવા ગંભીર આરોપ ફિલ્મ નિર્માતા જીતેન્દ્ર નારાયણ સિંહ ઉર્ફે વસીમ રિઝવીએ મોનાલિસાને લઈ જનારા દિગ્દર્શક સનોજ મિશ્રા પર એક ઇન્ટરવ્યુમાં લગાવ્યા છે.

ફિલ્મ પ્રોડ્યુસર વસીમ રિઝવીએ આરોપ લગાવ્યો કે, ’સનોજ મિશ્રા પાસે કોઈ ફાઇનાન્સર નથી. ના તો તેની પાસે પૈસા છે. તો કેવી રીતે ફિલ્મ બનાવશે. મણિપુર ડાયરી ક્યારેય નહીં બને, આ ફક્ત તે છોકરીની માસૂમિયતનો ફાયદો ઉઠાવીને તેની સાથે ચારેબાજુ ફરી રહ્યો છે. ફિલ્મ નિર્માતાએ દાવો કર્યો હતો કે અમે મોટું નુકસાન ઉઠાવ્યું છે. એવા ઘણાં નિર્માતાઓને વસીમે છેતર્યા છે. તે એક્સપોઝ થઈ ચૂક્યો છે.

વસીમ રિઝવીએ કહ્યું કે, જો મોનાલિસાના પરિવારને ડિરેક્ટર વિશે ખબર હોત, તો તેઓ ક્યારેય તેમની પુત્રીને તેમની સાથે ન મોકલત. ફિલ્મ બનાવવા માટે પૈસાની જરૂર પડે છે. હવે કોઈ સનોજ મિશ્રા પર પૈસા રોકવા તૈયાર નથી. જે ફિલ્મની જાહેરાત કરવામાં આવી છે તેનું શૂટિંગ ક્યાં થઈ રહ્યું છે? તેનું કેટલું બજેટ છે? કોઈ ફાઈનાન્સર તેનામાં રોકાણ નહીં કરે.

જીતેન્દ્ર નારાયણ સિંહ ઉર્ફે વસીમ રિઝવી ફિલ્મ પ્રોડ્યુસર છે, જેણે મોનાલિસાને સાથે લઈ જનારા સનોજ મિશ્રા સાથે 3 ફિલ્મો બંગાળ ડાયરીઝ, રામ કી જન્મભૂમિ અને કાશી ટુ કાશ્મીર બનાવી ચૂક્યા છે. હાલમાં તેમનો એક યુટ્યુબ ચેનલ પર ઇન્ટરવ્યુ માટે આવ્યો હતો.

જેમાં તેમણે દાવો કર્યો છે કે, સનોજ મિશ્રાની કોઈ પણ ફિલ્મ હજુ સુધી રિલીઝ થઈ નથી. તે અતિશય દારૂ પીવે છે. તે ફિલ્મના સેટ પર નશામાં પણ ચકચૂર થઈને આવતો અને મહિલા સ્ટાફ સાથે પણ ગેરવર્તન કર્યું. વસીમ રિઝવીએ આરોપ લગાવ્યો હતો કે, સનોજ મિશ્રાને દારૂ પીધા પછી છોકરીઓ જોઈએ છે.