મુંબઈ : સૈફ અલી ખાન પર હુમલાના કેસમાં મોટો વળાંક સામે આવ્યો છે. અત્યાર સુધી સોશિયલ મીડિયા પર આ વાતની ચર્ચા થતી હતી ત્યારે હવે આરોપી શહજાદના પિતાએ પણ ચોંકાવનારૂ નિવેદન આપ્યું છે. આ મામલામાં પોલીસ દ્વારા ધરપકડ કરાયેલાં શહઝાદના પિતા રૂહેલ અમીન ફકીરે કહ્યું છે કે સૈફના ઘરનાં સીસીટીવીમાં દેખાતો શંકાસ્પદ તેનો પુત્ર નથી.
ગત ગુરૂવારે રાત્રે સૈફ અલી ખાન પર થયેલાં હુમલા બાદ પોલીસે ઘણાં શંકાસ્પદોની ધરપકડ કરી હતી અને અંતે દાવો કર્યો હતો કે તેઓએ આરોપીઓને પકડી લીધાં છે. આ ઘટનાનાં બે દિવસ બાદ પોલીસે 19 જાન્યુઆરીએ થાણે વિસ્તારમાંથી મોહમ્મદ શરીફુલ ઈસ્લામ શહઝાદની ધરપકડ કરી હતી. હવે શહજાદના પિતાનું નિવેદન સામે આવ્યું છે, જે ચોંકાવનારૂં છે.
શહજાદના પિતાનું નામ રૂહેલ અમીન ફકીર છે. તેનાં દ્વારા આપવામાં આવેલ નિવેદન પોલીસનાં દાવાઓથી વિરોધાભાસી જણાય છે. તેણે કહ્યું છે કે સૈફ પર હુમલા બાદ જે સીસીટીવીમાં દેખાય છે તે તેનો પુત્ર નથી. આરોપીના પિતાએ કહ્યું- જેની ધરપકડ કરવામાં આવી છે તે મારો પુત્ર છે.
તેને વોટ્સએપ પર સીસીટીવી અને તેનાં પુત્ર બંનેની તસવીર મોકલવામાં આવી હતી, જેનાં પર તેનાં પિતાએ દાવો કર્યો હતો કે બંને અલગ છે. અમીન પોતે કહે છે કે પોલીસ દ્વારા સીસીટીવીમાં દેખાડવામાં આવેલ ફોટો કોઈ અન્યનો છે.
તેણે કહ્યું કે ’હું તેનો પિતા છું, ધ્યાનથી જોયા પછી જ આ કહું છું. સૈફના ઘરે સીસીટીવીમાં દેખાતો શકમંદ મારો પુત્ર નથી. જેની ધરપકડ કરવામાં આવી છે તે મારો પુત્ર છે.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy