વોશિંગ્ટન, તા.24
અમેરિકામાં ચાર વર્ષના ગાળા બાદ ફરી એક વખત પ્રમુખ બનેલા ડોનાલ્ડ ટ્રમ્પ હવે પોતાની ત્રીજી ટર્મ માટે પણ ઉત્સુક હોવાનો સંકેત છે. જો કે અમેરિકી બંધારણ મુજબ કોઇપણ પ્રમુખ બેથી વધુ ટર્મ માટે સત્તા પર રહી શકતા નથી.
ટ્રમ્પે પોતે ત્રીજી ટર્મ મેળવી શકે તે માટે અમેરિકાનું બંધારણ સુધારવા પણ તૈયારી કરી છે. ટ્રમ્પ ચાર વર્ષના ગાળા માટે પ્રમુખ બન્યા છે. અગાઉ તેઓ પોતાની પ્રથમ ટર્મ ભોગવી ચુક્યા છે અને તેઓએ અગાઉ જ એવો સંકેત આપ્યો હતો કે અમેરિકાના બંધારણમાં જે બે ટર્મની જોગવાઇ છે તે તેઓ બદલાવી શકે છે.
આ માટે અમેરિકાના સંસદના બન્ને ગૃહો એક સંયુક્ત સેશન બોલાવાશે અને તેમાં રાષ્ટ્રપતિને ત્રીજી ટર્મ માટેનો પ્રસ્તાવ લાવી શકાશે. પ્રસ્તાવિત સંશોધન મુજબ કોઇપણ વ્યકિતને એક સાથે કે અલગ-અલગ રીતે ત્રણ ટર્મ માટે પ્રમુખ પદનો અધિકાર રહેશે.
જો કે તેમાં ટ્રમ્પે એક રસપ્રદ સુધારો કર્યો છે અને સતત બે ટર્મ ભોગવનાર વ્યકિત ત્રીજી ટર્મ માટે ચૂંટણી લડી શકશે નહીં એટલે કે ટ્રમ્પ એ પોતે અલગ-અલગ રીતે બે ટર્મ માટે પ્રમુખ બન્યા છે તેથી તેમના માટે ત્રીજો કાર્યકાળ શક્ય બનશે.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy