વોશિંગ્ટન:
અમેરિકી રાષ્ટ્રપતિ ડોનાલ્ડ ટ્રમ્પે સિક્રેટ સર્વિસના ડાયરેક્ટર તરીકે શોન કુરેનની પસંદગી કરી છે. ટ્રમ્પે બુધવારે આ માહિતી આપી હતી. ગયાં વર્ષે પેન્સિલવેનિયામાં ટ્રમ્પ પર થયેલાં ઘાતક હુમલા દરમિયાન શોન કુરન સુરક્ષા ટીમનું નેતૃત્વ કરી રહ્યાં હતાં.
ટ્રમ્પે પોતાનાં સોશિયલ મીડિયા પર પોસ્ટ કરીને લખ્યું કે શોન એક મહાન દેશભક્ત છે. છેલ્લાં કેટલાંક વર્ષોમાં તેણે મારાં પરિવારનું રક્ષણ કર્યું છે. શોને પેન્સિલવેનિયામાં હત્યારાની ગોળીથી મારો જીવ બચાવવા માટે પોતાનો જીવ જોખમમાં મૂક્યો હતો. તેણે નિર્ભયતા અને હિંમત દર્શાવી છે. અમેરિકી રાષ્ટ્રપતિએ વિશ્ર્વાસ વ્યક્ત કર્યો કે શોન કુરન સિક્રેટ સર્વિસને પહેલાં કરતાં વધુ મજબૂત બનાવશે.
શોને બરાક ઓબામા સાથે પણ કામ કર્યું છે. શોન કુરન ન્યૂયોર્કનો રહેવાસી છે. તેણે પોતાની કારકિર્દીની શરૂઆત નેવાર્ક ફિલ્ડ ઓફિસ ઓફ ધ સિક્રેટ સર્વિસમાં સ્પેશિયલ એજન્ટ તરીકે કરી હતી. તેમની સાથે કામ કરનારા ભૂતપૂર્વ એજન્ટ જોનાથન વેક્રોના જણાવ્યાં અનુસાર, શોને રાષ્ટ્રપતિ બરાક ઓબામા સાથે સ્પેશિયલ ડિપાર્ટમેન્ટમાં પણ કામ કર્યું હતું. તેણે હાઈપ્રોફાઈલ લોકોનાં સુરક્ષા વિભાગમાં કામ કર્યું છે.
શોન કુરનને સિક્રેટ સર્વિસના ડિરેક્ટર બનાવવું આશ્ચર્યજનક છે. શોને સીક્રેટ સર્વિસના કોઈપણ હેડક્વાર્ટરમાં કામ કર્યું નથી. તેમની નિમણૂક સીધાં જ એક એજન્ટમાંથી ડિરેક્ટર તરીકે કરવામાં આવી રહી છે. તેની નિમણૂક માટે શોનેટની મંજૂરીની જરૂર નથી.શોનને ડિરેક્ટર જેવી પોસ્ટ પર કામ કરવાનો કોઇ અનુભવ પણ નથી.
ડોનાલ્ડ ટ્રમ્પ પર થયેલાં જીવલેણ હુમલા બાદ સીક્રેટ સર્વિસના તત્કાલીન ડાયરેક્ટર કિમ્બર્લી ચીટલને માત્ર 10 દિવસ બાદ જ રાજીનામું આપવું પડ્યું હતું. તેમનાં પર તેમની જવાબદારીઓ યોગ્ય રીતે ન નિભાવવાનો આરોપ લગાવવામાં આવી રહ્યો છે જેનાં કારણે ચિટલને સંસદીય સમિતિ સમક્ષ હાજર થવું પડ્યું હતું. ચીટલના રાજીનામાં બાદ હવે શોનને તેની જગ્યાએ સીક્રેટ સર્વિસના ડિરેક્ટર બનાવાયાં છે.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy