સૈફઅલી ખાનના ઘરમાં ઘુસેલા અજાણ્યા શખ્સે અભિનેતા પર છરીથી હુમલો કર્યો હતો. હુમલાની ઘટનાના 60 કલાક પછી પણ હુમલાખોર પોલીસ પકકડથી દુર છે. પોલીસની 35 ટીમો આરોપીને પકડવા આકાશ પાતાળ એક કરી રહી હોવા છતાં તેનો અતોપતો નથી. 40 લોકોની તપાસ કરવામાં આવી હોવા છતાં મૂળ આરોપી હાથમાં આવ્યો નથી.
મુંબઈ પોલીસે સૈફ પરના હુમલા કેસમાં બે શકમંદોને અટકાયતમાં રાખ્યા હોવા છતાં તેની સંડોવણીના કોઈ પુરાવા મળ્યા નથી. પોલીસ દ્વારા વિવિધ વિસ્તારોના સીસીટીવી ફુટેજ ચકાસવામાં આવ્યા હતા. સૈફના ઘેરથી નાસી ગયા બાદ આરોપીએ કપડા બદલી નાખ્યા હોવાનુ માલુમ પડયુ છે.
દરમ્યાન હુમલાખોર કયા માર્ગેથી નાસી ગયો તે વિશે પણ કોઈ સ્પષ્ટ નિષ્કર્ષ નિકળી શકતો નથી. સૈફનું નિવાસસ્થાન ધરાવતા બાંદ્રાના આ વિસ્તારમાં પર્યાપ્ત માત્રામાં સીસીટીવી કેમેરા ન હોવાનુ બહાર આવ્યુ છે.
દરમ્યાન મહારાષ્ટ્રના મુખ્યમંત્રી દેવેન્દ્ર ફડણવીસે કહ્યું કે હુમલા કેસની તપાસ ચાલુ છે. આરોપી તુર્તમાં પકડાઈ જવાનો વિશ્ર્વાસ છે. આ બનાવમાં કોઈ ‘ગેંગ’ની સંડોવણી નથી.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy