કેનેડા ગયેલા કેટલાક ભારતીયો ગુનાખોરીના રવાડે ચડયા: વ્હીકલ ચોરીમાં 6 શખ્સોની ધરપકડ

India, World | 29 May, 2024 | 03:41 PM
કેનેડામાં વ્હીકલ ચોરી માટે ગેંગ સક્રિય, જેમાં ભારતીયોની સંડોવણી
સાંજ સમાચાર

ટોરંટો(કેનેડા),તા.29
કેટલાક દેશોમાં ભારતીયો હવે ગુનાખોરીના રસ્તે ચઢ્યા છે અને અમુક તો ગેંગના મેમ્બર પણ બની જાય છે. કેનેડામાં વ્હીકલ ચોરી એક માથાના દુખાવા જેવી સમસ્યા છે અને ટોરંટો જેવા શહેરમાં દર 40 મિનિટે એક કાર ચોરાઈ જાય છે. વ્હીકલ ચોરી કરવા માટે રીતસરની ગેંગ ચાલે છે અને તેમાં કેટલાક ભારતીય મૂળના લોકો પણ સામેલ છે. કેનેડા પોલીસે તાજેતરમાં આવા છ લોકોની ધરપકડ કરી છે જેઓ વાહનોની ચોરી સાથે સંકળાયેલા છે.

કેનેડામાં પોલીસે વાહન ચોરી અટકાવવા માટે એક ખાસ એક્શન પ્લાન બનાવ્યો છે જેમાં એક મોટી કાર્યવાહીમાં છ ભારતીયો પકડાયા છે. આ લોકો એક ગેંગના મેમ્બર હતા જેઓ વાહનોની ચોરી કરીને ફટાફટ બીજા દેશમાં મોકલી દેતા હતા અને એક આખું નેટવર્ક ચલાવતા હતા. કેનેડાએ પ્રોજેક્ટ ઓડિસી નામે ઓપરેશન શરૂ કર્યું છે

જેમાં કુલ 16 લોકોને એરેસ્ટ કરાયા છે. આ 16 લોકોમાં છ લોકો ભારતીય મૂળના છે. આ બધા પાસેથી 370 ચોરાયેલી કાર પકડાઈ છે અને તેની વેલ્યૂ લગભગ 33 મિલિયન ડોલરથી વધારે થાય છે.

પોલીસનું કહેવું છે કે, આ લોકો મિનિટોની અંદર કાર ચોરી લેતા અથવા ધમકી આપીને કારજેકિંગ કરતા હતા. ત્યાર પછી ચોરાયેલા વાહનને કલાકોની અંદર ગ્રેટર ટોરંટો એરિયાની પેલે પાર ટ્રાન્સપોર્ટ કરતા હતા. ત્યાંથી મોન્ટ્રીયલના પોર્ટ પરથી આ ગાડીઓ બહાર શિપિંગથી મોકલી દેવામાં આવતી હતી. મિડલ ઈસ્ટ અને આફ્રિકાના કેટલાક દેશોમાં આવી કેનેડિયન કારોનું માર્કેટ છે. એક રીતે આ એક મોટી ગેંગનું કામ છે અને કેનેડિયન પોલીસ પણ તેનાથી તોબા પોકારી ગઈ છે.

પોલીસની ટીમે 16 લોકોને પકડ્યા છે અને તેમનની સામે 322 ક્રિમિનલ ચાર્જિસ લાગ્યા છે. ભારતીય મૂળના જે લોકોને પકડવામાં આવ્યા તેમના નામ બીરપાલ સિંહ, હરમીત સિંહ, વલબીર સિંહ, ગુલજિંદર સિંહ, ગુરપ્રિત ધિલ્લોન અને જગમોહન સિંહ હોવાનું જાણવા મળ્યું છે. તેમની ઉંમર 29 વર્ષથી લઈને 57 વર્ષ સુધીની છે.

આ લોકો સામે ઘણાય આરોપો લાગ્યા છે જેમાં ચોરાયેલા માલનું ટ્રાફિકિંગ કરવું, ગુનો કરવા માટે ષડયંત્ર રચવું વગેરે આરોપો સામેલ છે. આ આરોપીઓ પોતાની સાથે શસ્ત્રો પણ રાખતા હતા તેથી પિસ્ટલ કે રિવોલ્વર રાખવાના ગુના હેઠળ પણ કામ કરાશે.

કેનેડિયન પોલીસે જણાવ્યું કે, પિલ રિજયનમાં એક કંપની છે જે ચોરાયેલા વાહનોના ટ્રાન્સપોર્ટેશનનું કામ મકરતી હતી. ઓન્ટારિયોના એક ટ્રકિંગ યાર્ડમાંથી વાહનો ઉઠાવીને બારોબાર મોકલી દેવામાં આવતા હતા. પોલીસની તપાસમાં લગભગ 370 વાહનો મળી આવ્યા જેની વેલ્યૂ 33.2 મિલિયન ડોલરથી ઉપર થાય છે. 255 વાહનો કેનેડાના પિલ રિજયનમાંથી મળ્યા હતા જ્યારે 114 વાહનો મોન્ટ્રીયલના પોર્ટ પરથી જપ્ત કરાયા હતા. આ ઉપરાંત ત્રણ ટ્રાન્સપોર્ટ ટ્રક અને બે બોબકેટ પણ જપ્ત કરવામાં આવ્યા છે.

ભારતથી કેનેડા ગયેલા ઘણા યુવાનો આ પ્રકારના ગેરકાયદે ધંધામાં સામેલ થયા છે. તેનું કારણ છે કે તેમાંથી મોટા ભાગના પાસે કોઈ સારી જોબ મળી શકે તેવી હાઈ સ્કીલ હોતી નથી. તેથી તેઓ આવા કામધંધામાં પડે છે. ભારતે અગાઉ પણ કેનેડાને ચેતવણી આપી છે કે ભારતમાં પોલીસ જેને શોધતી હોય અથવા ક્રાઈમનો રેકોર્ડ હોય તેવા લોકોને કેનેડા પોતાને ત્યાં શરણ આપે છે અને તેના પરિણામો ભોગવવા પડશે. વાહન ચોરીના કિસ્સામાં આવું જ કંઈક થઈ રહ્યું હોય તેમ લાગે છે.

Related News
Sports News
Loading...
Facebook Twitter LinkedIn Pinterest
Get In Touch

Rajkot - Head Office, Sanj Samachar Corporate House, 2nd Floor, Kasturba Road, Near Sharda Baug
Rajkot-360001

0281-2473911-12-13

[email protected]

Privacy-policy
Keep In Touch

Subscribe to Our Newsletter to get Important News & Offers

Download App from

Download android app - Sanj Download ios app - Sanj