રાજકોટ, તા.20
મુંબઇ શેરબજારમાં આજે તેજીનો માહોલ રહ્યો હતો. હેવીવેઇટ શેરોમાં ધૂમ લેવાલીથી સેન્સેક્સ 500 પોઇન્ટથી વધુના ઉછાળાથી 77000ની સપાટીને પાર કરી ગયો હતો.
શેરબજારમાં આજે માનસ પ્રોત્સાહક હતું. પસંદગીના ધોરણે ધૂમ લેવાલીથી હેવીવેઇટ શેરો ઉછળ્યા હતા. અમેરિકામાં ટ્રમ્પની તાજપોશી હોવાથી અને ટ્રેડવોરને બદલે વાટાઘાટોનો માર્ગ અપનાવશે તેવા સંકેતોથી સારી અસર થઇ હતી.
વિદેશી નાણાં સંસ્થાઓની આક્રમક વેચવાલી સામે લોકલ ફંડોે લેવાલ રહેતા રાહત હતી. જાણીતા શેરબ્રોકરોના કહેવા પ્રમાણે ટ્રમ્પના પ્રથમ ભાષણની આવતીકાલે અસર થઇ શકે છે ત્યારબાદ બજેટની અટકળોની અસર વર્તાવાની શક્યતા છે.
શેરબજારમાં આજે ટાઇટન, અલ્ટ્રાટેક સિમેન્ટ, બજાજ ફાઇનાન્સ, ભારતી એરટેલ, એચડીએફસી બેંક, આઇસીઆઇસીઆઇ બેંક, કોટક બેંક, લાર્સન, એનટીવીસી, પાવર ગ્રીડ, રીલાયન્સ, સ્ટેટ બેંક, ટાટા સ્ટીલ, વીપ્રો વગેરેમાં ઉછાળો હતો. જ્યારે ટીસીએસ અદાણી પોર્ટ, મહિન્દ્ર, મારૂતી, ટાટા મોટર્સ જેવા શેરો નરમ હતા.
મુંબઇ શેરબજારનો સેન્સીટીવ ઇન્ડેક્સ 543 પોઇન્ટના ઉછાળાથી 77162 હતો તે ઉંચામાં 77318 તથા નીચામાં 76584 હતો. નેશનલ સ્ટોક એક્સચેંજનો નિફટી 155 પોઇન્ટ ઉંચકાઇને 23358 હતો તે ઉંચામાં 23391 તથા નીચામાં 23170 હતો.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy