મંગલ - મંગલ; શેરબજારમાં 1700 પોઈન્ટની તેજી : સેન્સેકસ 77000 ના માર્ગે

ટ્રમ્પના ટેરિફ ટેરર બાદ મુદતરૂપી ટોનિક મળી જતાં ચારેકોર તેજી

મંગલ - મંગલ; શેરબજારમાં 1700 પોઈન્ટની તેજી : સેન્સેકસ 77000 ના માર્ગે

India, Business | 15 April, 2025 | 11:06 AM

બેંક, ઓટો,આઈ.ટી, સ્ટીલ સહિત તમામ ક્ષેત્રોનાં શેરોમાં ઉછાળો : બીએસઈનું માર્કેટ કેપ ફરી 412 લાખ ડોલરને આંબી ગયુ

સાંજ સમાચાર

રાજકોટ, તા,.15
રેસીપ્રોકેટ ટેરિફ લાગુ કરવામાં અમેરિકન પ્રમુખ ડોનાલ્ડ ટ્રમ્પની પીછેહઠ તથા 90 દિવસની મુદત આપવાના એલાનથી તેજીનો વળાંક લઈ લેનારા શેરબજાર આજે પણ ગ્રીનઝોનમાં ધમધમતું હતું સેન્સેકસમાં 1300 પોઈન્ટથી અધિકનો ઉછાળો નોંધાયો હેતો. માર્કેટ કેપ ફરી વખત 412 લાખ ડોલરને આંબી ગયુ હતું.

શેરબજાર ત્રણ દિવસની લાંબી રજા બાદ આજે શરૂઆતથી જ તેજીનો ધમધમાટ હતો. માર્કેટ ગેપથી ખુલ્યુ હતું. હેવીવેઈટથી માંડીને મીડકેપ-સ્મોલકેપ સુધીનાં તમામ શેરોમાં ઓલરાઉન્ડ લેવાલીથી તેજી આગળ ધપતી રહી હતી.વિદેશી નાણા સંસ્થાઓની જંગી વેચવાલીને ડીસ્કાઉન્ટ કરવામાં આવી હતી.

જાણીતા શેરબ્રોકરોનાં કહેવા પ્રમાણે ભારત સહિતનાં દેશોને રેસિપ્રોકલ વચ્ચે ટ્રેડવોરનું જોખમ ઉભુ છે. આ સિવાય મંદીના ભણકારા સહિતના વિપરીત કારણોની અસર નથી. વૈશ્વિક ઘટનાક્રમથરી ભારતને આર્થિક લાભ થવાના આશાવાદથી શેરબજારનું મોરલ મજબુત બની ગયુ હતું.

શેરબજારમાં આજે બેંક, ઓટોમોબાઈલ્સ, આઈટી, ટેલીકોમ, સ્ટીલ સહીતનાં ક્ષેત્રોનાં શેરોમાં ઉછાળો હતો. અદાણી પોર્ટ, એકસીસ બેંક, બજાજ ફાઈનાન્સ, ભારતી એરટેલ, એચસીએલ ટેકનો, એચડીએફસી બેંક, આઈસીઆઈસીઆઈ બેંક, ઈન્ડૂસઈન્ડ બેંક, ઈન્ફોસીસ, લાર્સન, મહિન્દ્રા, મારૂતી, એનટીપીસી, રીલાયન્સ, સ્ટેટ બેંક, ટાટા મોટર્સ, ટાટા સ્ટીલ, સહીતના શેરોમા ઉછાળો હતો.

મુંબઈ શેરબજારનો સેન્સીટીવ ઈન્ડેકસ ફરી 77000 ની સપાટી હાંસલ કરવા આગેકુચ કરી રહ્યો હોય તેમ આજે 1602 પોઈન્ટના ઉછાળાથી 76760 સાંપડયો હતો તે ઉંચામાં 76907 તથા નીચામાં 76435 હતો.નેશનલ સ્ટોક એકસચેંજનો નીફટી 480 પોઈન્ટના ઉછાળાથી 23312 હતો તે ઉંચામાં 23368 તથા નીચામાં 23368 હતો..

અમેરિકાનાં ટેરીફનાં કારણે ભારત સહીત દુનિયાભરના શેરબજારોમા કેટલાંક દિવસો સુધી હલચલ રહ્યા બાદ ફરી તેજીનો માર્ગ પકડાતા ઈન્વેસ્ટરોએ રાહતના શ્વાસ લીધા છે. બીએસઈનું માર્કેટ કેપીટલાઈઝેશન આજે ફરી 412 લાખ કરોડને આંબી ગયુ હતું.