વઢવાણ,તા.20
સુરેન્દ્રનગર વઢવાણ, રતનપર, જોરાવરનગર, દુધરેજમાં સરકારના વિશ્વાસ પ્રોજેકટ અંતર્ગત ઠેરઠેર સીસીટીવી કેમેરા લગાવાયા છે. વિવિધ વિસ્તારમાં 50થી વધુ સ્થળોએ લાગેલા સીસીટીવી કેમેરા ગુનાનો ભેદ ઉકેલવાની સાથે માનવતાનું પણ કામ કરે છે. ત્યારે એક મહિલાને 20 તોલા સોનાના દાગીના ભરેલો થેલો કેમેરાની મદદથી પરત અપાયો છે.ટીબી હોસ્પિટલ પાસે રામકુટીર રોડથી એક રિક્ષામાં કુંભારપરામાં આવવા નીકળ્યા હતા
સુરેન્દ્રનગર શહેરના કરમણપરા વિસ્તારમાં રહેતા જહાનવીબેન ગૌતમભાઇ ગમારા પોતાના બહેનના પ્રસંગમાં તા.18-1-2025ના બપોરના બારેક વાગ્યાના સમયે સુરેન્દ્રનગરના કુંભારપરામાં જવા માટે ટીબી હોસ્પિટલ પાસે આવેલી રામકુટીર રોડથી એક રિક્ષામાં બેસી નિકળ્યા હતા. તેમજ તેઓની પાસે રહેલા થેલામાં 20 તોલા સોનાના દાગીના હતા. દરમિયાન કુંભારપરા ખાતે આવી જહાનવીબેન રિક્ષામાં ઉતરેલા અને પોતાનો 20 તોલા સોનાના દાગીના ભરેલ થેલો રિક્ષામાં ભૂલી ગયા હતા. આથી જહાનવીબેન તાત્કાલિક સુરેન્દ્રનગર સીટી બી ડિવિઝન પોલીસ સ્ટેશન આ બનાવની હકીકત જણાવી હતી. ત્યારે પ્રો.નાયબ પોલીસ અધિક્ષક રિદ્ધિ ગુપ્તે, પીઆઈ એમ.એચ. પઠાણે પોલીસ સ્ટાફને બોલાવી અલગ અલગ ટીમો બનાવી તપાસ હાથ ધરી હતી.
જેમાં એક ટીમને કમાન્ડ ક્ધટ્રોલ રૂમ (નેત્રમ) સુરેન્દ્રનગર ખાતે સીસીટીવી ફૂટેજ જોવા મોકલી આપી હતી. તેમજ બીજી ટીમને પોલીસ સ્ટેશન વિસ્તારમાં પેટ્રોલિંગ રાખી બનાવ જગ્યાની આજુબાજુના સીસીટીવી ફૂટેજ જોઇ અજાણ્યા રિક્ષાના નંબરની ઓળખ થાય તેવા પ્રયત્નો કરવામાં મોકલી આપ્યા હતા. દરમિયાન કમાન્ડ ક્ધટ્રોલ રૂમ (નેત્રમ) દ્રારા આ બહેન જે રિક્ષામાં બેઠા હતા તે રિક્ષા નંબર ધ્યાને આવ્યો હતો. આથી રિક્ષાચાલકને શોધી કાઢી સોનાના દાગીના ભરેલો થેલો રિક્ષાની પાછળની શીટમાં ભૂલી ગયેલા હતા તે શોધી કાઢ્યો હતો. આ 20 તોલા સોનાના દાગીના ભરેલો થેલો મૂળ માલિક જહાનવીબેન ગૌતમભાઇને સુરેન્દ્રનગર સિટી બી ડિવિઝને બોલાવી તેમને પરત સોંપી માનવતાની એક મિશાલ કાયમ કરી પોલીસ ખરા અર્થમાં પ્રજાની મિત્ર હોવાનો ઉતમ ઉદાહરણ પૂરું પાડ્યું હતું. આ કામગીરીમાં પ્રો.નાયબ પોલીસ અધિક્ષક રિદ્ધિ ગુપ્તે. પીઆઈ એમ.એચ.પઠાણ, પીએસઆઈ એ.આર.ડાંગર, ઝેડ.એલ. ઓડેદરા, એન.ડી. ચુડાસમા, દિલીપભાઇ, અજીતસિંહ વગેરે પોલીસ ટીમ દ્વારા બહેનના દાગીના પરત અપાવેલા હતા.
સુરેન્દ્રનગરના જ્હાનવીબેન ગૌતમભાઈ ગમારા લગ્નના પ્રસંગમાં ભાગ લેવા રામકુટીર રોડથી કુંભારપરા જવા બેઠા હતા.જેમાં 20 તોલા સોનાના દાગીના ભરેલો થેલો તેઓ રિક્ષામાં ભુલી ગયા હતા. બનાવની બી ડીવીઝન પોલીસને જાણ થતા પ્રો. ડીવાયએસપી રીધ્ધી ગુપ્તેએ તાત્કાલિક સીસીટીવી કેમેરા ચેક કરાવી રિક્ષા ચાલકની ઓળખ કરી મહિલાને 20 તોલા સોનાના દાગીના ભરેલ થેલો પરત અપાવી પોલીસ ખરેખર પ્રજાનો મિત્ર છે તે સુત્ર સાર્થક કર્યુ હતુ.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy