"Say No to Drugs" અભિયાન બાદ હવે પોઝીટીવ અપ્રોચ અપનાવતા ગૃહ મંત્રી
રાજ્યનુ સૌ-પ્રથમ “ANTI NARCOTICS UNIT” નું સુરતમાં ગૃહ મંત્રી હર્ષ સંઘવી દ્વારા લોકાર્પણ
ડ્રગ્સના વ્યસનમાં આવેલ લોકોને મનોચીકિત્સક દ્વારા જરૂરી કાઉન્સીલીંગ કરવામાં આવશે તેમજ વ્યસનમાંથી બહાર લાવી ફરી સ્વસ્થ જીવનની શરૂઆત કરવા પ્રેરવામાં આવશે, તેમજ તેઓની વિગત ગુપ્ત રાખી સુરત શહેરમાં આવેલ વ્યસન મુક્તિ કેન્દ્રોમાં ભરતી કરાવી તેઓની યોગ્ય સારવાર કરાવવામાં આવશે
સુરત : સુરત શહેર દેશના વિકસીત શહેરમાંનું એક શહેર છે. આ શહેરને ડ્રગ્સ રૂપી દાનવ પોતાના ભરડામાં લઈ તેને આર્થીક તથા સામાજીક રીતે બરબાદ ન કરે તે માટે શહેરમાંથી ડ્રગ્સનુ દુષણને દુર કરવા સુરત શહેર પોલીસ દ્વારા "NO DRUGS IN SURAT CITY" અભિયાન તા.01/09/2020 થી ચલાવવામાં આવી રહેલ છે. જે અભિયાન અંતર્ગત ડ્રગ્સનુ નેટવર્ક ચલાવતા ડ્રગ્સ માફીયાઓ ઉપર સંકજો કસી ડ્રગ્સ રેકેટ ચલાવતા માફિયાઓ, પેડલરોને પકડી જેલ હવાલે કરવામાં આવેલ છે.
જે નાગરીકો વ્યસનનો ભોગ બની ગયેલ હોય તેવી વ્યક્તિઓને વ્યસનમાંથી બહાર લાવવાના પ્રયાસો કરવા ગુજરાત રાજ્યના ગૃહ રાજ્ય મંત્રીશ્રી હર્ષભાઈ સંઘવીએ સુચના આપેલ હતી. જે સુચના અનુસંધાને ગુજરાત રાજ્યમાં સુરત શહેર પોલીસ કમિશ્નર અનુપમસિંહ ગહલૌતએ સૌ-પ્રથમ પહેલ કરી તેઓના માર્ગદર્શન હેઠળ સયુક્ત પોલીસ કમિશ્નર રાધવેન્દ્ર વત્સ ક્રાઈમ તથા નાયબ પોલીસ કમિશ્નર રાજદિપસિંહ નકુમની દેખરેખ હેઠળ સુરત શહેર એસ.ઓ.જી., દ્વારા વેસુ વિસ્તારમાં "ANTI NARCOTICS UNIT-1" બનાવવામાં આવેલ જેનુ ગઈકાલે ગુજરાત રાજ્યના ગૃહ રાજ્ય મંત્રી હર્ષભાઈ સંઘવીના વરદ હસ્તે લોકાર્પણ કરી આમ નાગરીકો માટે ખુલ્લુ મુકવામાં આવેલ છે.
જે યુનીટ ખાતે વ્યસનોના ભોગ બનેલ સંતાનોના માતા-પિતા દ્વારા તેઓના સંતાનોને લાવી તેઓનુ એન્ટી નાર્કોટિક્સ યુનિટમાં ખાસ બનાવેલ ટીમ તથા મનોચીકિત્સક દ્વારા જરૂરી કાઉન્સીલીંગ કરવામાં આવશે તેમજ વ્યસનમાંથી બહાર લાવી ફરી સ્વસ્થ જીવનની શરૂઆત કરવા પ્રેરવામાં આવશે. તેમજ તેઓની વિગત ગુપ્ત રાખી સુરત શહેરમાં આવેલ વ્યસન મુક્તિ કેન્દ્રોમાં ભરતી કરાવી તેઓની યોગ્ય સારવાર કરાવવામાં આવશે.
યુનિટ દ્વારા વ્યસનના ચુંગલમાં ફસાયેલ યુવાધનને વ્યસનમુક્ત બનાવવા પ્રયાસો હાથ ધરવામાં આવશે. આ યુનીટમાં કાઉન્સીલીંગ માટે આવતા તમામ નાગરીકોની માહિતી ગુપ્ત રાખવામાં આવશે.
.jpg)
_copy.jpg)
_copy.jpg)
.jpg)
.jpg)
.jpg)
.jpg)
