અબુધાબીના આ આરબ શેખે બાજ પક્ષી સાથે મુસાફરી કરી !
આશ્ચર્યની વાત એ છે કે, આ બાજ પક્ષી પાસે પાસપોર્ટ પણ છે : તે વારંવાર પ્રવાસ કરે છે
અબુધાબી:
અબુધાબીથી મોરોક્કો જતી એક ફ્લાઇટમાં એક પેસેન્જરે તેને થયેલો અજીબ અનુભવ સોશ્યલ મીડિયા પર શેર કર્યો છે. ઍરપોર્ટ પર તે પોતાની સીટ પર જઈને બેઠો તો બાજુની સીટમાં એક બાજ બેઠું હતું. હા, બાજ પક્ષીની જ વાત થઈ રહી છે.
અબુ ધાબી ઍરપોર્ટ પણ લેવાયેલા આ વિડિયોમાં હાથ પર બાજ પક્ષી બેસાડીને ટ્રેડિશનલ સફેદ લાંબા સાઉદી અરેબિયન લુકમાં પ્રવેશેલા ભાઈને પેસેન્જરે પૂછી લીધું કે શું આ આપણી સાથે ટ્રાવેલ કરશે?
પેલા આરબભાઈએ એટલી જ સહજતાથી કહી દીધું કે હા, આપણી સાથે જ પ્લેનમાં આવશે. તેના જવાબ પરથી લાગી રહ્યું હતું કે આ કંઈ નવું નથી, બાજ પક્ષીએ અવારનવાર ટ્રાવેલ કર્યું જ છે. હવે પેલા ભાઈએ કુતૂહલથી પૂછી લીધું કે શું તેની પાસે ટ્રાવેલ કરવાનાં કાગળિયાં છે?
તો આરબ મિત્રે બેગમાંથી બાજનો પાસપોર્ટ કાઢ્યો અને કહ્યું કે એ નર બાજ છે, મૂળ સ્પેનનો. એ પાસપોર્ટમાં જેન્ડર, મૂળ પ્રજાતિ અને ટ્રાવેલ હિસ્ટરી પણ લખેલી હતી. એ જોઈને તે આશ્ચર્યચકિત થઈ ગયો. આ વિડિયો જોનારા પણ દંગ રહી જ ગયા હશે.
_copy.jpg)
.jpg)
_copy.jpg)
_copy.jpg)
