દેશી બંદૂકના કેસમાં બે આરોપીઓને ત્રણ વર્ષની સજા, 10 હજારનો દંડ
જામનગર તા.19: જામનગર જિલ્લામાં પાસ-પરવાના વગરની દેશી જામગરીવાળી બંદુક સાથે ઝડપાયેલા બે આરોપીઓ સામેના જુદા-જુદા કેસ જોડીયાની અદાલતમાં ચાલી જતાં અદાલતે બંને આરોપીઓને તકસીરવાન ઠેરવીને 3-3 વર્ષની જેલ સજા અને રૂ.10-10 હજારનો દંડ ભરવા આદેશ કર્યો છે.
ગત તા.7/11/2015ની બપોરે જોડીયા તાલુકાના બોડકા ગામના પાદર પાસેથી મોરબી તાલુકાના ગફારભાઈ જુમાભાઈ લાખા પાસ-પરવાના વગરની 4 ફુટ લાંબી જામગરીવાળી દેશી ગેરકાયદેસર બંદુક સાથે ઝડપાઈ જતાં તેના સામે આર્મ્સ એક્ટ હેઠળ ગુનો જોડીયા પોલીસમાં ગુનો નોંધાયો હતો અને આરોપીની
ધરપકડ કરવામાં આવી હતી.
આ જ રીતે મુળ ધુંવાવ ગામના અને કેસ વખતે જોડીયા તાલુકાના શામપર (માધાપર)ના ઈસ્માઈલ રજાકભાઈ શેખ નામના શખસને પોલીસે શામપર ગામે મચ્છુમાંની ડેરીવાળી સીમમાં કેનાલ પાસેની વીડીમાંથી 4 ફુટની દેશી જામગરીવાળી હાથ બનાવટ પરવાના વગરની બંદુક સાથે તા.8/1/2016ના રોજ પકડી પાડીને તેની સામે આર્મ્સ એક્ટ હેઠળ ગુનો નોંધીને તેની ધરપકડ કરી હતી. આ બંને કેસ જોડીયાની જ્યુડિશ્યલ મેજીસ્ટ્રેટ કોર્ટમાં ચાલી જતાં અદાલતે બંને આરોપીઓને 3-3 વર્ષની જેલ સજા કરવા સાથે રૂ.10-10 હજાર દંડનો હુકમ ફરમાવ્યો છે.
.jpg)
_copy.jpg)
.jpg)
.jpg)
_copy.jpg)
_copy.jpg)
.jpg)
