અલ્ટ્રા પ્રોસેસ્ડ પેકેજડ ફૂડ લોકોને બનાવે છે ઝડપથી વૃદ્ધ
22000 લોકો પર વૈજ્ઞાનિક અભ્યાસ બાદ ચોંકાવનારૂ તારણ
મિલાન, તા.5
સ્વસ્થ જીવન માટે ખોરાક જરૂરી છે. ત્યારે, એક સંશોધનમાં જાણવા મળ્યું છે કે, તૈયાર ખોરાક (અલ્ટ્રા પ્રોસેસ્ડ ફૂડ - UPF) ખાવાથી વહેલું વૃદ્ધત્વ થઈ શકે છે.
ઈટલીના ઈન્સ્ટીટ્યુટ ઓફ ન્યુરોલોજીકોના વૈજ્ઞાનિકોએ 22,495 હજાર પુખ્તો પર સંશોધન કર્યા બાદ આ દાવો કર્યો છે. આ સંશોધન અમેરિકન જર્નલ ઑફ ક્લિનિકલ ન્યુટ્રિશનમાં પ્રકાશિત થયું છે.
અગ્રણી સંશોધક સિમોના એસ્પોસિટોના જણાવ્યા અનુસાર, ડબ્બામાં બંધ ખોરાક, ફ્રોઝન પિઝા, બ્રેડ, કેક, કૂકીઝ, ચિપ્સ વગેરે માનવીની જૈવિક ઉંમરમાં ઝડપથી વધારો કરે છે.
સંશોધનમાં જાણવા મળ્યું છે કે, UFI ખાનાર લોકો વાસ્તવિક ઉંમર કરતાં ચાર મહિના મોટી દેખાય છે. યુપીએફમાં વપરાતા રસાયણો શરીરના કોષો અને પેશીઓના સ્વાસ્થ્યને ખરાબ રીતે અસર કરે છે. તેમની કામ કરવાની ક્ષમતા પ્રભાવિત થવાને કારણે તેની સીધી અસર માનવ શરીર અને તેની રચના પર પડે છે.
તંદુરસ્ત બેક્ટેરિયા માટે જોખમ
વૈજ્ઞાનિકોના જણાવ્યા અનુસાર, આ ખાદ્ય પદાર્થોમાં હાજર માઇક્રોબાયોમ સૌથી વધુ નુકસાન પહોંચાડે છે, જે સ્વાસ્થ્ય માટે જરૂરી છે. આવી ખાદ્ય ચીજોના સેવનથી શરીરમાં સોજો આવે છે, પાચનતંત્રને લગતી સમસ્યાઓ થાય છે અને અંગોની કામગીરી પર અસર પડે છે.
રોગનું મુખ્ય કારણ
તૈયાર ખોરાક ખાવાથી સ્થૂળતા, ડાયાબિટીસ અને કેન્સર જેવા જીવલેણ રોગોનું જોખમ પણ વધી જાય છે. આ પ્રકારના ખોરાકમાં ખાંડ અને મીઠાનો વધુ ઉપયોગ થાય છે. ખોરાકને ઘણા દિવસો સુધી સુરક્ષિત રાખવા માટે ઘણા પ્રકારના રસાયણોનો ઉપયોગ કરવામાં આવે છે જે સ્વાસ્થ્ય માટે ઘણી રીતે હાનિકારક છે.
.jpg)
.jpg)
.jpg)
_copy.jpg)
