રેલ્વે ટ્રેક ઉપર સિંહોની હિલચાલ શોધવા માટે આધુનિક ઉપકરણ લગાવવાનું કામ શરૂ, રેલ્વે દ્વારા હાઇકોર્ટને અપાઈ જાણકારી
અમદાવાદ, તા.10
ગુજરાત હાઈકોર્ટની ચીફ જસ્ટિસ સુનિતા અગ્રવાલ અને જસ્ટિસ પ્રણવ ત્રિવેદીની બનેલી બેન્ચે રેલવે વિભાગના કાઉન્સેલ દ્વારા માહિતી આપી હતી કે રેલવે ટ્રેક ઉપર સિંહોની હિલચાલ શોધવા માટે ઇન્ટ્રુઝન ડિટેક્શન ડિવાઇસ સ્થાપિત કરવા માટે ટેન્ડર મંજૂર કરવામાં આવ્યું હતું અને તેને સ્થાપિત કરવાનું કામ શરૂ થઈ ગયું છે જે એક વર્ષમાં પૂર્ણ થશે.
બેન્ચ ગીર જંગલ અને તેની આસપાસ રેલ્વે ટ્રેક પર મળી આવેલા એશિયાઈ સિંહોના મૃત્યુ અંગેની અરજી પર સુનાવણી કરી રહી હતી. ભૂતકાળની સુનાવણીમાં, બેન્ચને જાણ કરવામાં આવી હતી કે રેલ્વે મંત્રાલય અને ગુજરાતના વન વિભાગના દેખરેખ હેઠળ એક ઉચ્ચ-સ્તરીય સમિતિની સ્થાપના કરવામાં આવી છે.
આ સમિતિને ગીરમાં એશિયાઈ સિંહોના રક્ષણ અને ગીર સંરક્ષિત વિસ્તારોમાં તેમની હિલચાલ અવરોધરહિત રહે તે સુનિશ્ચિત કરવા માટે એક સ્ટાન્ડર્ડ ઓપરેટિંગ સિસ્ટમ વિકસાવવાનું કામ સોંપવામાં આવ્યું છે.
આ સમિતિ ભૂતકાળની ઘટનાઓની તપાસ કરવા અને નિવારક પગલાં ઘડવા માટે પણ કામગીરી કરી રહી છે. સુનાવણી દરમિયાન, બેન્ચે રેલ્વેના વકીલ દ્વારા કરવામાં આવેલી રજૂઆતોની નોંધ લીધી કે રેલ્વે ટ્રેક પર સિંહોની ગતિવિધિ પર નજર રાખવા માટે સિંહોના પ્રવેશ થતો હોય તે જાણવા માટે શોધ ઉપકરણ સ્થાપિત કરવા માટેના ટેન્ડરને 17 માર્ચ, 2025 ના રોજ સ્વીકૃતિ પત્ર જારી કરવામાં આવ્યો છે. આ કામ શરૂ થઈ ગયું છે જે એક વર્ષના સમયગાળામાં પૂર્ણ થવાની અપેક્ષા છે.
આ યોજનાને આ કોર્ટ દ્વારા જારી કરાયેલા નિર્દેશ હેઠળ રચાયેલી ઉચ્ચ સ્તરીય સમિતિ દ્વારા યોગ્ય રીતે મંજૂરી આપવામાં આવી છે. હાઈકોર્ટે એડિશનલ એડવોકેટ જનરલ દ્વારા આપવામાં આવેલા નિવેદનની પણ નોંધ લીધી કે, ગીર જંગલ અને ગીર અભયારણ્યની કામગીરી પર એક ઉચ્ચ સ્તરીય સમિતિ દેખરેખ રાખી રહી છે. સિંહ ગણતરી શરૂ થઈ ગઈ છે અને ખૂબ જ ટૂંક સમયમાં સમાપ્ત થવાની છે. ત્યારબાદ કોર્ટે ઓગસ્ટના અંતમાં આ મામલો પોસ્ટ કર્યો.
_copy.jpg)
_copy.jpg)
_copy.jpg)
