રાજકોટ ડિવિઝનમાં પ્રતિષ્ઠિત સ્ટીમ એન્જીન પ્રદર્શન સાથે વર્લ્ડ હેરિટેજ દિનની ઉજવણી

Local | Rajkot | 21 April, 2025 | 03:40 PM

રાજકોટ, જામનગર, દ્વારકા, સુરેન્દ્રનગરમાં સ્ટીમ એન્જીન શણગાર્યા

સાંજ સમાચાર

રાજકોટ,તા.21
વર્લ્ડ હેરિટેજ દિવસ નિમિત્તે, પશ્ચિમ રેલ્વેના રાજકોટ ડિવિઝને તેના સૌથી કિંમતી પ્રતીકોમાંના એક, હેરિટેજ સ્ટીમ એન્જિનનું લોકો સમક્ષ પ્રદર્શન કરીને તેના ભવ્ય ભૂતકાળના સમૃદ્ધ વારસાની ગર્વથી ઉજવણી કરી. આ ખાસ કાર્યક્રમમાં ભારતના રેલ્વે વારસામાં રેલ્વેના ગહન યોગદાન પર પ્રકાશ પાડવામાં આવ્યો હતો.

વિશ્વ વારસા દિવસ નિમિત્તે, પશ્ચિમ રેલ્વેના રાજકોટ ડિવિઝનના રાજકોટ, જામનગર, સુરેન્દ્રનગર અને દ્વારકા રેલ્વે સ્ટેશનોના હેરિટેજ સ્ટીમ એન્જિનોને આકર્ષક રંગબેરંગી લાઇટિંગથી શણગારવામાં આવ્યા હતા. આ બધા જ ઐતિહાસિક સ્ટીમ એન્જિનો એ તમામ વય જૂથોના મુલાકાતીઓ, રેલ્વે ઉત્સાહીઓ અને વારસા પ્રેમીઓનું ધ્યાન આકર્ષિત કર્યા હતાં.

રેલ મુસાફરીના સુવર્ણ યુગનું પ્રતીક, આ એન્જિન ભારતના એન્જિનિયરિંગ વારસા અને ભારતીય રેલ્વેની અગ્રણી ભાવનાનું પ્રમાણ છે. પશ્ચિમ રેલ્વે આધુનિક માળખાગત સુવિધાઓ તરફ આગળ વધીને તેની વારસાગત સંપત્તિઓનું જતન અને પ્રોત્સાહન આપવા માટે પ્રતિબદ્ધ છે.

સ્ટીમ એન્જિનનું પ્રદર્શન ભૂતકાળની યાદ અપાવે છે અને ભારતીય રેલ્વેના કાલાતીત જુસ્સાને શ્રદ્ધાંજલિ આપે છે. રાજકોટ ડિવિઝન ના ડીઆરએમ ઓફિસ કાર્યાલય ના હેરિટેજ સ્ટીમ એન્જિન ને પણ રંગ બિરંગી રોશની થી શણગારવામાં આવ્યું હતું.