રાહુલ દ્રવિડ અને અભિનવ બિન્દ્રા...

Advertisement



40 બોલ પછી ખાતુ ખોલવાની રોમાંચક વાત...

ટેસ્ટ મેચ ક્રિકેટ એ આ રમતનું અદભુત ફોર્મેટ છે. વન-ડે અને T-20 ની ઝાકમઝાળ અને પ્રસિધ્ધીમાં રમતના આ મૂળભૂત સ્વરૂપની મહતા દિવસે દિવસે ઘટતી જોવા મળે છે. પણ તમે કોઇપણ 10-12 વર્ષ પ્રથમ કક્ષાનું કે આંતરરાષ્ટ્રીય ક્રિકેટ રમેલા ખેલાડીને જો પૂછો તો એ ચોકકસ એમ જ કહે કે ટેસ્ટ મેચ ક્રિકેટ સર્વશ્રેષ્ઠ ક્રિકેટ છે. હમણા જ પાકિસ્તાની પત્રકાર સાથે વાત કરતી વખતે ભૂતપૂર્વ ભારતીય કેપ્ટન સૌરવ ગાંગુલીએ પણ કહેલું હતું કે રમતમાં પૈસા કે લોકોને ખેંચી લાવવા છે તો T-20 ક્રિકેટ પર ધ્યાન આપો. પણ જો સારા વિશ્વકક્ષાના ખેલાડી કે ટીમ બનાવવી છે મલ્ટી કે ફોર્મેટ ક્રિકેટ પર ધ્યાન આપવું પડશે.

ફકત ત્રણ-સવા ત્રણ કલાકની ચોકકા-છગ્ગાની લ્હાણી કરતી T-20 મેચ અવશ્ય રોમાંચ અને આનંદ આપી શકે. પણ સાથોસાથ મુશ્કેલ પીચ પર ઝંઝાવતી બોલીંગ સામે એક પણ રન કર્યા વગર પ0-60 મીનીટ બેટીંગ કરવું અને આઉટ ન થવું એ પણ ક્રિકેટના પરંપરાગત ફોર્મેટમાં જોવા મળતું અનેરૂ અને અદભુત દ્રશ્ય છે. પ્રથમ દ્રષ્ટિએ આવું ધીમુ બેટીંગ કંટાળાજનક લાવી શકે પણ જયારે પ દિવસીય મેચના બધા જ પરિણામ ધ્યાનમાં રાખી વિચારીએ ત્યારે એનું મૂલ્ય ખુબ વધી જતું હોય છે. ચેતેશ્વર પુજારાએ 2018માં દક્ષિણ આફ્રિકા સામે જોહનીસબર્ગમાં પોતાનું ખાતુ ખોલવા માટે પ3 બોલ લીધા હતા. તો વળી સ્ટુઅર્ટ બ્રોડે 2013માં ન્યુઝીલેન્ડ સામે 63માં દડા પર પોતાનો પ્રથમ રન કર્યો હતો. ભૂતપૂર્વ કેપ્ટન રાહુલ દ્રવીડ સાથે તો વળી ખુબ જ રમુજી પ્રસંગ આ જ બાબતે બન્યો હતો. જાન્યુઆરી 2008માં ઓસ્ટ્રેલિયા પ્રવાસ દરમ્યાન સીડની ટેસ્ટ મેચમાં રાહુલ દ્રવીડ બેટીંગમાં ઉતર્યા

તો એક ફાસ્ટ પીચ અને સીમીંગ કંડીશનમાં બ્રેટલી, સ્ટઅર્ટ કલાર્ક અને મીશેલ જોન્સન જોરદાર બોલીંગ કરી રહ્યા હતા. એકદમ ડીફેન્સીવ અપ્રોચથી બેટીંગ કરતા રાહુલ દ્રવીડ એક પછી એક બધા જ બોલને એક દિવાલ (The Wall)ની માફક ડીફેન્ડ કરી રહ્યા હતા અને 40 બોલ પછી જયારે તેમણે એક રન કરી તેમનું ખાતુ ખોલ્યુ તો સ્ટેડીયમમાં ઉપસ્થિત બધા જ દર્શકાએે છે એક સાથે ઉભા થઇ તાળીઓ પાડી હતી. હસતા-હસતા રાહુલ દ્રવીડે પણ જાણે સદી ફટકારી હોય એમ બેટ ઉંચુ કરી પ્રેક્ષકોનું અભિવાદન ઝીલ્યુ હતું. જો કે રાહુલ દ્રવિડની આવી સંઘર્ષ ભરેલી ઇનિંગથી કોઇ ઓલિમ્પીયને પ્રેરણા પણ મેળવી હતી એ કેવી મજાની વાત કહેવાય ! બન્યું એવું કે ભારત માટે સર્વપ્રથમ ઓલીમ્પીક ગોલ્ડ મેડલ જીતનાર અભિનવ બિન્દ્રા બરોબર એ જ સમયે ઓસ્ટ્રેલિયામાં ટે્રઇનીંગ અને ફીટનેશ કેમ્પ કરી રહ્યા હતા.

એ સમયે તેઓ પોતાની રમત (10 મીટર એર રાઇફલ)માં એવી સમસ્યાનો સામનો કરી રહ્યા હતા કે કોમ્પીટીશનના પ્રથમ શોટ પહેલા નર્વસનેસ, ઘબરાહટ અને અધરા થઇ જવાના કારણે લક્ષ્યથી ખુબ દુર થઇ જતા અને એનાથી પછી ખુબ પ્રેશર અનુભવતા હતા. આવી જ મનોવસ્થામાં અભિનવ બિન્દ્રાએ રાહુલ દ્રવિડને ધીરજપૂર્વક, શિસ્ત સંયમ અને ખુબ જ આત્મવિશ્વાસથી આ રીતે 40 ડોટ બોલ બોલ રમતા જોયા અને જાણે જાદુનો સંચાર થયો. મનની વ્યગ્રતાઓ શમી ગઇ અને તેઓ પોતાની જાત સાથે રમત સાથે વધુ ધીરજથી કામ લેતા થઇ ગયા. એનું પરિણામ એ પણ આપ્યું કે યોગ્ય એકાગ્રતા માટે જોઇતો પુરો સમય લઇને તેમણે પોતાનો પ્રથમ શોટ ફાયર કરવાનું શરૂ કર્યુ

જે ખુબ જ એકયુરેટ થવા લાગ્યો. આ ઘટનાના સાત મહિના પછી એ જ ફોકસ-ધૈર્ય અને પ્રચંડ આત્મવિશ્વાસથી અભિનવ બીન્દ્રાએ બેઇજીંગ ઓલીમ્પીકસમાં ગોલ્ડ મેડલ જીત્યો અને ઇતિહાસ રચ્યો ચેમ્પિયન ખેલાડી ગમે ત્યાંથી જરૂરી પ્રેરણા મેળવી લેવા તત્પર હોય છે. અભિનવ બિન્દ્રાએ પણ ‘ટેમ્પરામેંટ’નો પોતાની સમસ્યાને દુર કરવા રાહુલ દ્રવિડના ધીરજપૂર્વકના ચોકકસ પ્રયત્નોમાંથી શીખ લીધી. મેદાન પર જોવા મળતા ઝનૂનપૂર્વકના સેલીબ્રેશન અને વર્તનથી જ ખેલાડી કેટલો આક્રમક છે એનું આકલન ન કરી શકાય. રમત જીતવા માટે કે મેચ બચાવવા માટે અખુટ ધૈર્યથી રમતો ખેલાડી પણ ઓછો આક્રમક નથી હોતો. 

Advertisement

Recent News

Advertisement

Saurashtra News

Advertisement

Gujarat News