‘ગુજરાતી કહેવત’ ખોટી ઠરી : સિંહોનાં ટોળા... હોય!

વસ્તી ગણતરીમાં...

‘ગુજરાતી કહેવત’ ખોટી ઠરી : સિંહોનાં ટોળા... હોય!

Gujarat | Ahmedabad | 15 May, 2025 | 11:35 AM

ભાવનગર ક્ષેત્રમાં એક સાથે 20 સાવજ જોવા મળ્યા : 10 - 12 સિંહોના ટોળા દેખાવાનું સામાન્ય બન્યાનો વન અધિકારીઓનો નિર્દેશ

સાંજ સમાચાર

અમદાવાદ,તા.15
એશીયાઈ સિંહો ધરાવતા એક માત્ર ગીર અભ્યારણ્યમાં વસતી ગણતરીની કાર્યવાહી પૂર્ણ થઈ ગઈ છે.2020 ની સરખામણીએ સાવજોની સંખ્યામાં નોંધપાત્ર વધારો થયો હોવાના અંદાજની સાથોસાથ કેટલાંક રસપ્રદ-નવા સંકેતો પણ ઉપસ્યા છે.

ગુજરાતીમાં કહેવત છે કે સિંહના ટોળા ન હોય પરંતુ હવે સિંહનું એક સાથે ટોળામાં રહેવાનું સામાન્ય થઈ ગયુ છે.વસતી ગણતરી દરમ્યાન 20 સભ્યોનું એક ટોળુ સાથે રહેતુ હોવાનું બહાર આવ્યું છે. એટલુ જ નહિં 10-12 સાથે એક સાથે રહેતા હોવાના અનેક કિસ્સા ધ્યાનમાં આવ્યા છે.

ભાવનગર ક્ષેત્રમાં વસતી ગણતરીની દરમ્યાન ડેપ્યુટી ક્ધઝર્વેટર ઓફ ફોરેસ્ટ સાદિક મુંજાવર રીતસર ઉછળી પડયા હતા. કારણ કે બે સિંહ, છ સિંહણ તથા 3 માસથી 1 વર્ષની ઉંમરના 13 સિંહબાળ સહીત સાવજો એક સાથે નજરે ચડયા હતા.

આ સિવાય રાજસ્થલી-વિરડીમાં પણ એક સાથે સિંહો જોવા મળ્યા હતા તેનાં આધારે સાવજોનો ભાવનગર પંથકમાં વસવાટ વધી રહ્યાનું અને ક્ષેત્ર તેઓને અનુકુળ હોવાનું જણાય છે.

આ સિવાય મિતિયાળા અભ્યારણ વિસ્તારમાં પણ એક સાથે 17 સિહો જોવા મળ્યા હતા. ગુજરાતનાં પ્રિન્સીપાલ ચીફ ક્ધઝર્વેટર ઓફ ફોરેસ્ટ (વાઈલ્ડ લાઈફ) જયપાલસિંઘ કહ્યુ કે ગીરમાં 10-12 સિંહો એક સાથે નજરે ચડે તે હવે સામાન્ય થઈ ગયુ છે.