12 બિલિયન ડોલરની બ્રાન્ડ વેલ્યુ સાથે આઇપીએલ સ્પોર્ટ્સ લીગમાં ’સ્ટાર’

આઈપીએલની ચાર ટીમો ,સીએસકે, એમઆઇ, આરબીસી અને કેકેઆર, 100 મિલિયનથી વધુની બ્રાન્ડ વેલ્યુ ધરાવે છે

નવી દિલ્હી   :  17મી બ્રાન્ડ ફાઇનાન્સ આઇપીએલ 2024 વેલ્યુએશન રિપોર્ટ મુજબ ઇન્ડિયન પ્રીમિયર લીગએ પ્રીમિયર ગ્લોબલ સ્પોર્ટ્સ લીગ તરીકે તેની સ્થિતિને મજબૂત બનાવી છે અને તેની બ્રાન્ડ વેલ્યુ 13 ટકાથી વધીને 12 બિલિયન ડોલર થઈ છે.

2009 માં 2 બિલિયનનું મૂલ્ય ધરાવતી આ લીગ 2023 માં પ્રથમ વખત 10 બિલિયનને વટાવીને 10.7 બિલિયન સુધી પહોંચી હતી.  જૂનમાં, અમેરિકન ઇન્વેસ્ટમેન્ટ બેંક હૌલિહાન લોકીએ આઇપીએલના એકંદર બિઝનેસ વેલ્યુમાં 6.5 ટકાનો વધારો નોંધાવ્યો હતો, જે 16.4 બિલિયન સુધી પહોંચ્યો હતો, તેની એકલ બ્રાન્ડ વેલ્યુ 6.3 ટકાથી વધીને 3.4 બિલિયન થઈ હતી.

જોકે, સપ્ટેમ્બરમાં વેલ્યુએશન સર્વિસ પ્રોવાઈડર ડી અને પી એડવાઈઝરીના એક અલગ અહેવાલમાં જણાવાયું હતું કે મીડિયા ઈન્ડસ્ટ્રીના કોન્સોલિડેશન વચ્ચે મીડિયા અધિકારોના પુન: મૂલ્યાંકનના કારણે આઈપીએલનું બિઝનેસ એન્ટરપ્રાઈઝ મૂલ્ય 2024 માં 11.7 ટકા ઘટીને 9.9 બિલિયન થઈ છે.   

બ્રાન્ડ ફાઇનાન્સ મુજબ, પ્રથમ વખત, ચાર ફ્રેન્ચાઇઝીસ-ચેન્નાઇ સુપર કિંગ્સ , મુંબઇ ઇન્ડિયન્સ , રોયલ ચેલેન્જર્સ બેંગલોર , અને કોલકાતા નાઈટ રાઈડર્સએ બ્રાન્ડ મૂલ્યમાં 100 મિલિયનનો આંકડો પાર કર્યો છે.  

2024 આઇપીએલ બ્રાન્ડ રેન્કિંગ નોંધપાત્ર વૃદ્ધિ દર્શાવે છે, જેમાં ચેન્નઈ સુપર કિંગ્સ 122 મિલિયન સાથે આગળ છે, ત્યારબાદ મુંબઈ ઈન્ડિયન્સ 119 મિલિયન સાથે આગળ છે, જે લીગની વધતી વૈશ્વિક અપીલ અને વ્યાવસાયિક સફળતાને પ્રકાશિત કરે છે.

રોયલ ચેલેન્જર્સ બેંગલોર 117 મિલિયનની બ્રાન્ડ વેલ્યુ સાથે ત્રીજા ક્રમે છે, ત્યારબાદ કોલકાતા નાઈટ રાઈડર્સ અને સનરાઈઝર્સ હૈદરાબાદનું મૂલ્ય અનુક્રમે 109 મિલિયન અને 85 મિલિયન છે. એસઆરએચએ બ્રાન્ડ વેલ્યુમાં સૌથી ઝડપી વૃદ્ધિ નોંધાવી છે.

અન્ય ટીમોમાં, રાજસ્થાન રોયલ્સ 30 ટકા વધીને 81 મિલિયન સુધી પહોંચી, જ્યારે દિલ્હી કેપિટલ્સ 24 ટકા વધીને 80 મિલિયન સુધી પહોંચી છે. નવી ફ્રેન્ચાઇઝીસ, ગુજરાત ટાઇટન્સ અને લખનૌ સુપર જાયન્ટ્સ, અનુક્રમે 69 મિલિયન  અને 60 મિલિયનની બ્રાન્ડ વેલ્યુ ધરાવે છે. પંજાબ કિંગ્સ, 49 ટકા વૃદ્ધિ સાથે, 68 મિલિયન સાથે ટોચના 10 માં સ્થાન મેળવે છે.અહેવાલમાં ટોચની પાંચ આઇપીએલ ટીમો માટે નોંધપાત્ર વૃદ્ધિની સંભાવનાને હાઇલાઇટ કરવામાં આવી છે.

જેમાં તેમની બ્રાન્ડ વેલ્યુને ઇપીએલ, લા લિગા, બુન્ડેસલીગા, સેરી એ અને લીગ 1 જેવી મોટી ફૂટબોલ લીગની નજીકનાં સ્તરે પહોંચી છે. ટોચની પાંચ આઇપીએલ ટીમો બ્રાન્ડ વેલ્યુ 551 મિલિયન છે, જે આ ફૂટબોલ લીગની ટોચની ટીમો કરતાં ત્રણ ગણી ઓછી છે, જેની બ્રાન્ડ વેલ્યુ 2.9 બિલિયન છે.બ્રાન્ડ ફાઇનાન્સ ઇન્ડિયાના એમડી અજીમોન ફ્રાન્સિસે જણાવ્યું હતું કે, આઇપીએલના સફળ બિઝનેસ મોડલ અને મેચ ફોર્મેટ્સે વૈશ્વિક લીગને પ્રેરણા આપી છે.

ભારતીય ક્રિકેટ કંટ્રોલ બોર્ડના પ્રભાવમાં વધારો કર્યો છે અને મહત્વાકાંક્ષી સ્થાનિક ખેલાડીઓને તેમની પ્રતિભા દર્શાવવા માટે મહત્વપૂર્ણ પ્લેટફોર્મ પૂરું પાડ્યું છે. તેમણે કહ્યું કે "આઇપીએલ ઇકોસિસ્ટમ આજે 1.3 બિલિયનનું મૂલ્ય ધરાવે છે અને તેને વિશ્વભરમાં જોવામાં આવે છે અને તેનું અનુકરણ કરવામાં આવે છે."

વધુમાં તેમણે કહ્યું કે,  સીએસકે, એમઆઇ, આરસીબી, કેકેઆર અને આરઆર જેવી ટીમો આજે વૈશ્વિક બ્રાન્ડ બની છે." બ્રાન્ડ ફાઇનાન્સ રિપોર્ટ મુજબ સ્પોર્ટ્સ ઉદ્યોગમાં આઈપીએલની ભારતમાં 1.25 મિલિયન પ્રત્યક્ષ અને પરોક્ષ નોકરીઓનું સર્જન કરે છે અને યુએઈ, સાઉદી અરેબિયા, યુએસ અને ઓસ્ટ્રેલિયાનાં બજારોને પ્રભાવિત કરે છે.