અમદાવાદમાં બે વર્ષ બાદ રિયલ માર્કેટમાં તેજીનો પવન ફુંકાયો

Business, Gujarat | Ahmedabad | 14 February, 2024 | 05:43 PM
છેલ્લા છ વર્ષમાં 3.82 લાખ પ્રોપર્ટીનો વધારો
સાંજ સમાચાર

અમદાવાદ,તા.14
અમદાવાદ 2019-20 અને 2020-21 કોવિડના વર્ષ રહ્યા હતા જેમાં લોકડાઉન લાગુ કરવામાં આવ્યું હતું. આ ઉપરાંત મોટા ભાગના ક્ષેત્રો થંભી ગયા હતા. જોકે, આ દરમિયાન બાંધવામાં આવેલી નવી પ્રોપર્ટીમાં ધીમો વધારો થયા બાદ હવે નવી પ્રોપર્ટીનો વિકાસ સતત થઈ રહ્યો છે. સિટી સિવિક બોડીના પ્રોપર્ટી ટેક્સ ડિપાર્ટમેન્ટના તાજેતરમાં પ્રકાશિ થયેલા ડેટા દર્શાવે છે કે 2020-21માં ભારે ઘટાડા પછી જ્યારે નવી કોમર્શિયલ અને રેસિડેન્શિયલ પ્રોપ્રટીની કુલ સંખ્યા અગાઉના વર્ષના 77,499થી ઘટીને 30,379 થઈ ગઈ હતી.

જ્યારે 2021-22માં નવી પ્રોપર્ટીની સંખ્યા વધીને 1.13 લાખ થઈ ગઈ હતી. જોકે, 2022-23માં તેમાં ઘટાડો જોવા મળ્યો હતો. આ વર્ષ દરમિયાન નવી પ્રોપર્ટીનો આંકડો 67,829 થઈ ગયો હતો. પરંતુ 2023-24ના વર્ષમાં તેમાં વધારો જોવા મળ્યો હતો અને તે 93,664 પર પહોંચી ગયો હતો.

જોકે, છેલ્લા છ વર્ષમાં અમદાવાદમાં 3.82 લાખ નવી પ્રોપર્ટીનો ઉમેરો થયો છે. જે દર વર્ષે સરેરાશ 63,739 પ્રોપર્ટી થાય છે. આ જ સમયગાળામાં શહેરની રેસિડેન્શિયલ પ્રોપર્ટીમાં 46,746 અને કોમર્શિયલ પ્રોપર્ટીમાં 17,993નો વધારો થયો છે.

છેલ્લા બે વર્ષમાં શહેરમાં 1.61 લાખ નવી પ્રોપર્ટી થઈ છે, તેમ ડેટા પરથી જાણવા મળે છે. અમદાવાદ મ્યુનિસિપલ કોર્પોરેશનના ડેટા અનુસાર 2023-24 સુધીમાં શહેરમાં કુલ 24.46 લાખ પ્રોપર્ટી છે, જેમાં 18.30 લાખ રેસિડેન્શિયલ પ્રોપર્ટી અને 6.16 લાખ કોમર્શિયલ પ્રોપર્ટીનો સમાવેશ થાય છે.

AMC ના ડેટા દર્શાવે છે કે 2023-24 દરમિયાન AMC એ પ્રોપર્ટી ટેક્સમાંથી 1,000 કરોડ રૂપિયા અને પ્રોફેશન અને વાહન ટેક્સ જેવા અન્ય ટેક્સમાંથી 300 કરોડ રૂપિયા એકત્ર કર્યા હતા.

AMC ના એક વરિષ્ઠ અધિકારીએ જણાવ્યું હતું કે કોર્પોરેશનના સાત ઝોનમાં ઘાટલોડિયા, થલતેજ, ગોતા, બોડકદેવ, ચાંદખેડા સહિત ઉત્તર પશ્ચિમ ઝોનમાં 982 પ્રોજેક્ટને મહત્તમ વિકાસ પરવાનગીઓ આપી છે જ્યારે મધ્ય ઝોનમાં માત્ર 64 ડેવલોપમેન્ટ પરવાનગીઓ આપવામાં આવી છે જે કોટવાળા શહેર વિસ્તારોને આવરી લે છે.

શહેરના ઉત્તર-પશ્ચિમ ઝોનમાં સૌથી વધુ ડેવલોપમેન્ટ પરવાનગીઓ રહેણાંક યોજનાઓ માટે છે, જ્યારે બીજી તરફ શહેરના પૂર્વ વિસ્તારમાં ન્યુ નિકોલ, નિકોલ, પૂર્વ ઝોનમાં નવા નરોડા પસંદગીના સ્થળો છે.જમીનોના ભાવો સતત વધી રહ્યા છે.

 

 

Related News
Sports News
Loading...
Facebook Twitter LinkedIn Pinterest
Get In Touch

Rajkot - Head Office, Sanj Samachar Corporate House, 2nd Floor, Kasturba Road, Near Sharda Baug
Rajkot-360001

0281-2473911-12-13

[email protected]

Privacy-policy
Keep In Touch

Subscribe to Our Newsletter to get Important News & Offers

Download App from

Download android app - Sanj Download ios app - Sanj