બદરીનાથ ધામના કપાટ 12મી મે એ ખુલશે: થઈ શકશે દર્શન

India, Dharmik | 15 February, 2024 | 10:00 AM
કપાટ ખુલવાની તિથિની ગણતરી પંચાંગ જોઈને નકકી કરવામાં આવી
સાંજ સમાચાર

દહેરાદૂન,તા.15

બદરીનાથ ધામના કપાટ 12 મે ના રોજ બ્રહ્મમુર્હુતમાં સવારે 6 વાગ્યે ખોલવામાં આવશે. વસંતપંચમીના અવસરે નરેન્દ્રનગર (ટિહરી) સ્થિત રાજ દરબારમાં કપાટ ખોલવાની તિથિની ગણતરી પંચાંગ જોઈને નકકી કરાઈ છે.

આ પ્રસંગે ટિહરી રાજ પરિવાર સહિત શ્રી બદરી કેદાર મંદિર સમિતિ, ડિમરી ધાર્મિક કેન્દ્રીય પંચાયતના પદાધિકારી તથા મોટી સંખ્યામાં શ્રદ્ધાળુ મોજૂદ હતા. આ કાર્યક્રમમાં મહારાની, રાજલક્ષ્મી, રાજ પુરોહિત આચાર્ય કૃષ્ણ પ્રસાદ ઉનિયાલ બદરી કેદાર મંદિર સમીતીના અધ્યક્ષ અજેન્દ્ર અજય હાજર હતા.

આ પહેલા શ્રી ડિમરી ધાર્મિક કેન્દ્રીય પંચાયતના પદાધિકારી સભ્યોએ તેલ કલશ રાજ દરબાર પરિવારને સુપ્રત કર્યા. આ કલશમાં રાજમહેલમાંથી તલનું તેલ નાખીને 25 એપ્રિલે તેલ કલશ યાત્રા રાજ મહેલથી શરૂ કરીને કપાટ ખુલવાની તિથિ એ ભગવાન બદરી વિશાલને અભિષેક હેતુ બદરીનાથ ધામ પહોંચશે.

આ પ્રસંગે વીકેટીસી અધ્યક્ષ અજેન્દ્ર અજયે કહ્યું હતું કે બદરીનાથ ધામના કપાટ ખુલવાની તિથિ નકકી થતા જ યાત્રાની તૈયારીઓ શરૂ કરી દેવાઈ છે. મંદિર સમીતી આગામી બજેટમાં યાત્રી સુવિધાઓ હેતુ પર્યાપ્ત બજેટ જોગવાઈ કરશે. સુગમતાથી બદરી વિશાલના દર્શન ભકતોને થાય તેના માટે તૈયારી ચાલુ છે.

Related News
Sports News
Loading...
Facebook Twitter LinkedIn Pinterest
Get In Touch

Rajkot - Head Office, Sanj Samachar Corporate House, 2nd Floor, Kasturba Road, Near Sharda Baug
Rajkot-360001

0281-2473911-12-13

[email protected]

Privacy-policy
Keep In Touch

Subscribe to Our Newsletter to get Important News & Offers

Download App from

Download android app - Sanj Download ios app - Sanj