રાજકોટ, તા. 22
રાજકોટ સહિત સૌરાષ્ટ્ર-કચ્છમાં ફરી ઠંડા પવનો સાથે ઠંડીનો ચમકારો વર્તાવા લાગ્યો છે. ખાસ કરીને આજે પણ નલિયા, રાજકોટ, જામનગર, ભુજમાં તિવ્ર ઠંડી અનુભવાઇ હતી. આજરોજ સવારે નલિયા ખાતે 9 ડિગ્રી, રાજકોટમાં 13.8, ગાંધીનગરમાં 13.4 તથા ભુજ ખાતે 14.8 ડિગ્રી લઘુતમ તાપમાન નોંધાયુ હતું.
આ ઉપરાંત આજે સવારે અમદાવાદ ખાતે 15.4, અમરેલીમાં 16.4, વડોદરામાં 15.6, ભાવનગરમાં 17.8, ડિસામાં 14.1, દિવમાં 15.8, દ્વારકામાં 18.6, કંડલામાં 17.5, પોરબંદરમાં 15 અને વેરાવળ ખાતે 18.3 ડિગ્રી લઘુતમ તાપમાન નોંધાયુ હતું.
જયારે જામનગર શહેરમાં છેલ્લા 24 કલાકમાં ફરી એકવાર લઘુતમ તાપમાનો પારો 1.5 ડિગ્રી ઘટાડા સાથે 13.5 ડિગ્રી પહોંચતા કડકડતી ઠડી અનુભવાય હતી. ગઈ મોડી રાત્રીથી ઠડીના ચમકારા બજારોમાં સવારે 9 વાગ્યે સુધી પાંખી અવરજવર લોકોની જોવા મળી હતી.
મહતમ તાપમાન એક ડિગ્રી વધારા સાથે પારો 28.6 ડીગ્રી નોંધાયો હતો.તો શહેરના વાતાવરણમાં ભેજનું પ્રમાણ 93 ટકા અને પવનની ગતિ પ્રતિકલાક 3.1 કિમિ રહી હતી.આમ ભેજનું પ્રમાણ વધુ અને ઠંડીથી લોકોના આરોગ્ય ઉપર અસર પડે છે. શરદી-ઉધરસ, તાવ, માથું દુ:ખવું વિગેરે રોગના દર્દીઓની ઓપીડી વધે છે.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy