ક્રુડ તેલ મોંઘુ બનવા લાગ્યું: ચૂંટણી પછી પેટ્રોલ-ડીઝલના ભાવ વધવાની શક્યતા

India, World | 11 April, 2024 | 04:05 PM
છ માસ પછી પ્રથમ વખત ભારતીય બાસ્કેટનું ક્રુડ તેલ 90 ડોલરની સપાટીથી પણ વધ્યું: ઇરાન અને ઇઝરાયેલ વચ્ચે તનાવ વધે તો ક્રુડ તેલ 100 ડોલરની સપાટી કુદાવી શકે છે
સાંજ સમાચાર

નવી દિલ્હી, તા.11
ઇઝરાયેલ અને ઇરાન વચ્ચે સર્જાયેલા નવા તનાવ અને અન્ય વૈશ્વિક ભૂ-ભોગોલિક રાજકીય સ્થિતિને કારણે ફરી એક વખત વૈશ્ર્વિક બજારમાં ક્રુડ તેલના ભાવમાં વધારો થવાનું શરુ થયું છે અને ભારતીય બાસ્કેટનું ક્રુડ તેલ 90 ડોલર પ્રતિ બેરલ થતાં હવે દેશમાં પેટ્રોલ-ડીઝલનના ભાવમાં પણ વધારો થવાની ધારણા છે.

જો કે હાલ લોકસભા ચૂંટણી ચાલતી હોવાથી સરકાર તાત્કાલીક પેટ્રોલ-ડીઝલના ભાવમાં વધારો નહીં કરે હજુ ગત મહિને મોદી સરકારે આ બંને ઇંધણના ભાવમાં પ્રતિ લીટર રૂા.2-2નો ઘટાડો કર્યો હતો પરંતુ છેલ્લા બે સપ્તાહમાં ક્રુડ તેલ ફરી ઉંચુ જવા લાગ્યું છે અને છ માસમાં પ્રથમ વખત 90 ડોલરની સપાટી કુદાવી છે.

જો કે ચૂંટણીના કારણે સરકાર હાલ ભાવ વધારવાની હિંમત નહીં કરે. પેટ્રોલ-ડીઝલના ભાવને જો કે આચાર સંહિતા નડતી નથી અને તે બજાર કિંમત મુજબ જ નિશ્ચિત થઇ છે. પરંતુ રાજકીય કારણોસર સરકાર હાલ ઓઇલ કંપનીઓને દબાણમાં રાખીને ભાવ જાળવી રાખશે. પરંતુ એક વખત ચૂંટણી પુરી થયા બાદ તુર્ત જ ભાવમાં વધારો થાય તેવી શક્યતા છે.

Related News
Sports News
Loading...
Facebook Twitter LinkedIn Pinterest
Get In Touch

Rajkot - Head Office, Sanj Samachar Corporate House, 2nd Floor, Kasturba Road, Near Sharda Baug
Rajkot-360001

0281-2473911-12-13

[email protected]

Privacy-policy
Keep In Touch

Subscribe to Our Newsletter to get Important News & Offers

Download App from

Download android app - Sanj Download ios app - Sanj