વઢવાણ,તા.20
વઢવાણ તાલુકાના વાઘેલા ગામના પાદરે નવો સીસી રોડ બની રહ્યો છે. સ્ટેટ હાઇવે ઉંચો બનતા ગામમાં વરસાદી પાણી જમા થયા તેમ છે. આથી વિકાસ રૂંધાય તે પહેલા વરસાદી પાણીના નિકાલના રસ્તાની માંગ ગામના અનેક લોકો કરી રહ્યા છે. સુરેન્દ્રનગર જિલ્લામાં વિકાસ ગાંડો થયાની બુમરાણો ઉઠી છે. વઢવાણ વડોદ સ્ટેટ હાઇવે બિસ્માર બન્યો હતો. આથી કરોડો રૂપિયાના ખર્ચે નવીનીકરણ હાથ ધરાયું છે. આ કામગીરી ત્રણ મહિનાથી કાચબા ગતિએ થઈ રહી છે. જેમાં ત્રણ મહિનાથી ચુડા, વસ્તડી, વડોદ, કારિયાણી, ટીંબા, વાઘેલા ગામોના લોકો મુશ્કેલીમાં મુકાયા હતા. હાલ વાઘેલા ગામના પાદરમાં સીસી રોડની કામગરી ચાલી રહી છે.
જેમાં રસ્તો ઉંચો બની રહ્યો છે. આથી વરસાદી પાણીનો નિકાલ થશે નહીં તેવી ગામજનો ફરિયાદ કરી રહ્યા છે. આ અંગે સાગરભાઈ, ત્રિભોવનભાઈસ ધમભા વગેરે જણાવ્યું કે સુરેન્દ્રનગર ચુડા ખાનગી ટ્રવેલ્સ, ડમ્પર સહિતના ભારે વાહનો પસાર થાય છે. આથી સીસી રોડ બનાવ્યો તે સારી બાબત છે. પરંતુ રસ્તો ઉંચો બની રહ્યો છે. આથી ચોમાસામાં પાણી નિકાલ નહીં થાય જેમાં વરસાદી પાણી ઘરોમાં ભરાશે. પહેલાથી જ વાઘેલામાં વરસાદી પાણી ભરાય છે. હવે રસ્તો ઉંચો થતા ઘરોમાં પાણી ભરાશે. ત્યારે જવાબદાર તંત્ર કુંભકર્ણ નિંદ્રામાંથી જાગે વઢવાણ વડોદ રસ્તાનું કામ ગુણવતાયુક્ત અને ઝડપી વરસાદી પાણી નિકાલ થાય તેવી માંગણી છે.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy