આપણી લાગણીઓની સ્વાસ્થ્ય પર શું અસર પડે છે

ભયથી કિડની ખરાબ થાય : ગુસ્સાથી લીવર બગડે !!

સુખ, ક્રોધ, ભય, ચિંતા, ઉદાસી આ બધુ આપણા મન પર જ નહીં શરીરના વિવિધ ભાગોને અસર કરે છે

નવી દિલ્હી : આજની ભાગદોડવાળી જીંદગીમાં જ્યાં આપણે આપણી જાતને સમય આપી શકતાં નથી. આનાથી આપણી અંદર ઘણી બધી લાગણીઓ ઉભી થઈ છે. આવી સ્થિતિમાં આપણું શરીર પણ ઘણી રીતે પ્રતિક્રિયા આપે છે.

આપણને લાગે છે તેમ આપણું શરીર પણ પ્રતિભાવ આપે છે. સુખ, ક્રોધ, ભય, ચિંતા, ઉદાસી, આ બધું આપણા મન પર જ નહીં પરંતુ આપણા શરીરના વિવિધ ભાગોને પણ અસર કરે છે. 

જો તમે ઘણા લાંબા સમયથી તમારી અંદર કોઈ પણ વાત કે લાગણીઓને રાખી હોય તો તે આપણા અંગોને નબળા પાડી શકે છે. આ આપણને ગંભીર રીતે બીમાર કરી શકે છે.

શું તમે ક્યારેય વિચાર્યું છે કે આપણી લાગણીઓ આપણને અસર કરી શકે છે ? આ માટે અમે ડો.નીતુ તિવારી (સિનિયર રેસિડેન્ટ, એમડી સાઇકિયાટ્રિસ્ટ, એમબીબીએસ, નોઇડા ઇન્ટરનેશનલ ઇન્સ્ટિટ્યૂટ ઓફ મેડિકલ સાયન્સિસ) સાથે વાત કરી હતી. તેમણે કહ્યું કે આપણી ભાવનાઓ આપણા શરીરનાં અંગોને આ રીતે અસર કરે છે. 

ક્રોધ- લીવર
આજકાલ લોકો ખૂબ જ ઝડપથી ગુસ્સે થઈ જાય છે. ખરેખર તો આ ભાગદોડ ભરેલી જીંદગીમાં લોકોમાં એટલી બધી નિરાશા જોવા મળે છે કે લોકો નાની નાની વાતો પર પણ તરત જ ગુસ્સે થઇ જાય છે. જ્યારે આપણને વધારે ગુસ્સો આવે છે, ત્યારે તેની સીધી અસર આપણા લીવર પર પડે છે. જેનાથી માથાનો દુખાવો, ચીડિયાપણું, પાચનની સમસ્યા અને હાઈ બ્લડ પ્રેશર થઈ શકે છે.

ડર- કિડની
સતત ભય કે ગભરામણ કિડની પર અસર કરે છે. તેનાથી થાક, કમરનો દુખાવો, અનિંદ્રા અને વારંવાર પેશાબ પણ થઈ શકે છે. 

દુ:ખ - ફેફસાં
જો તમે લાંબા સમય સુધી દુ:ખી છો, તો તેની અસર ફેફસાં પર પડે છે. આવી સ્થિતિમાં, તમને શ્વાસ લેવામાં તકલીફ, છાતીમાં ભારેપણું અને નબળાઇ જેવી સમસ્યાઓ થઈ શકે છે.

ચિંતા - પેટની ગડબડ
દરેક નાની નાની વસ્તુની ચિંતા કરવાથી પેટની સમસ્યા થાય છે. જેનાથી ભૂખ ઓછી લાગવી, ખાવાનું અપચો અને પેટમાં ભારેપણું જેવી સમસ્યાઓ થઈ શકે છે.

ઉદાસી - હૃદય
લાંબા સમય સુધી ડિપ્રેશનમાં રહેવાથી આપણા હૃદયનાં સ્વાસ્થ્ય પર અસર પડે છે. જેનાં કારણે હૃદયનાં ધબકારા અનિયમિત થઈ શકે છે, થાક અને નબળાઈ લાગી શકે છે. 

ઈર્ષ્યા - યકૃત અને પિત્તાશય
જો તમને કોઈના માટે ઈર્ષ્યાની લાગણી થતી હોય તો તેની અસર લીવર અને પિત્તાશય પર પણ પડે છે. તેનાથી પાચનક્રિયા બગડી શકે છે અને મન અશાંત થઈ શકે છે.

કેવી રીતે બચવું ?
મન પ્રસન્ન હોય છે ત્યારે શરીર પણ સ્વસ્થ હોય છે. તમારે તમારી લાગણીઓને દબાવીને નહીં, પણ સમજીને વ્યક્ત કરતાં શીખવું જોઈએ. ગુસ્સો, ભય, ચિંતા અને ઉદાસીને દિલમાં રાખવાથી સમસ્યાઓ વધી શકે છે.

જ્યારે, હસતાં હસતાં, મુક્તપણે જીવવાથી અને સાચા દિલથી વાત કરવાથી જીવનને સુંદર અને સ્વસ્થ બનાવી શકાય છે. ગુસ્સાને શાંતિથી નિયંત્રિત કરો, ડરો છો તો કોઈની સાથે વાત કરો અને જો તમે ચિંતિત છો, તો યોગ અથવા ધ્યાન કરી શકો છો.