પરંપરા તૂટી : આ વર્ષે હોમ ગ્રાઉન્ડ પર હારનાર પ્રથમ ટીમ બની RCB

નબળી ફિલ્ડિંગ પણ સ્ફોટક બેટિંગથી કોલકતા નાઈટ રાઈડર્સનો 7 વિકેટે વિજય

India, Sports | 30 March, 2024 | 10:39 AM
KKRના ટોપ ઓર્ડર બેટિંગે કરી RCBના બોલરોની ધોલાઈ ; વેંકટેશ ઐયરની આઇપીએલમાં 8મી ફિફ્ટી : કોહલીની સતત બીજી અર્ધ સદી
સાંજ સમાચાર

બેંગલુરુ : આઈપીએલના 10માં મેચમાં કોલકાતા નાઈટ રાઈડર્સ (KKR)એ સતત બીજી જીત હાંસલ કરી છે. બેંગલુરુના ચિન્નાસ્વામી સ્ટેડિયમ પર રમાનાર મેચમાં કેકેઆર ટીમે રોયલ ચેલેન્જર્સ બેંગલુરુ (RCB) ને 7 વિકેટે હરાવ્યું હતું. આ સિઝનમાં યજમાન ટીમની આ પ્રથમ હાર છે. આ પહેલાં યજમાન ટીમે સતત 9 મેચ જીતી હતી. 

KKRના કેપ્ટન શ્રેયસ અય્યરે ટોસ જીતીને પ્રથમ બોલિંગ કરવાનો નિર્ણય કર્યો હતો. કોહલીએ મિચેલ સ્ટાર્કની ઇનિંગ્સના પ્રથમ બોલ પર ચોગ્ગા સાથે પોતાનું ખાતું ખોલાવ્યું હતું જ્યારે કેપ્ટન ફાફ ડુ પ્લેસિસે હર્ષિત રાણા પર સિક્સર ફટકારી હતી. પરંતુ પછીનો બોલ શોર્ટ થર્ડ મેન પર સ્ટાર્કના હાથમાં ગયો. ગ્રીને છઠ્ઠી ઓવરમાં સતત બે ચોગ્ગા અને એક છગ્ગા સાથે સુનીલ નારાયણનું 500મી ટી20 રમી આવકાર્યું હતું કારણ કે પાવર પ્લેમાં આરસીબીએ એક વિકેટે 61 રન બનાવ્યા હતા.

પ્રથમ બેટિંગ કરતા RCBએ 20 ઓવરમાં 6 વિકેટે 182 રન બનાવ્યા હતા. RCB તરફથી વિરાટ કોહલીએ 59 બોલમાં 83 રનની ઇનિંગ રમી હતી. તેણે 4 ચોગ્ગા અને 4 છગ્ગા ફટકાર્યા હતા. લીગમાં 52મી ફિફ્ટી ફટકારી. તેના સિવાય કેમરૂન ગ્રીને 33 અને ગ્લેન મેક્સવેલે 28 રનનું યોગદાન આપ્યું હતું. કોલકાતા તરફથી આન્દ્રે રસેલ અને હર્ષિત રાણાને 2-2 વિકેટ મળી હતી.

કોલકાતાએ 16.5 ઓવરમાં 3 વિકેટે 183 રનનો ટાર્ગેટ ચેઝ કર્યો હતો. શ્રેયસ અય્યર 39 રન બનાવીને અણનમ અને રિંકુ સિંહ 5 રન બનાવીને અણનમ પરત ફર્યા હતા. જ્યારે વેંકટેશ અય્યરે 50 રનની મહત્વની ઇનિંગ્સ રમી હતી, જ્યારે સુનીલ નારાયણે 47 રન અને ફિલ સોલ્ટે 30 રનની ઇનિંગ રમી હતી. યશ દયાલ, મયંક ડાગર અને વિજયકુમાર વૈશાખને એક-એક વિકેટ મળી હતી.

KKRનો સ્કોર 6 ઓવર પછી 85 રન થઈ ગયો. પાવરપ્લેમાં આ ટીમનો બીજો સર્વોચ્ચ સ્કોર છે. 2017માં, KKR એ આ જ મેદાન પર RCB સામે 6 ઓવરમાં 105 રન બનાવ્યા હતા.

KKR પોઇન્ટ્સ ટેબલમાં બીજા ક્રમે 
આ જીત સાથે કોલકાતા નાઈટ રાઈડર્સની ટીમ વર્તમાન સિઝનના પોઇન્ટ્સ ટેબલમાં બીજા સ્થાને આવી ગઈ છે. બે મેચ બાદ ટીમના ખાતામાં 4 પોઇન્ટ્સ છે. ચેન્નઈ ટેબલમાં ટોપ પર છે અને રાજસ્થાન ત્રીજા સ્થાને છે. બંનેએ 4-4 પોઇન્ટ્સ પણ મેળવ્યા છે.

શ્રેયસે વિનિંગ સિક્સ ફટકારી 
કોલકાતા નાઈટ રાઈડર્સે 19 બોલ પહેલા જીત મેળવી હતી. KKRના કેપ્ટન શ્રેયસ અય્યરે 17મી ઓવરના પાંચમા બોલ પર વિજયી સિક્સર ફટકારી, આ સાથે ટીમે સતત બીજી જીત નોંધાવી. અગાઉ ટીમે SRHને હરાવ્યું હતું.

કોહલીની 36 બોલમાં ફીફ્ટી
વિરાટ કોહલીએ 12મી ઓવરના ત્રીજા બોલ પર તેની IPL કરિયરની 52મી ફિફ્ટી પૂરી કરી છે. તેણે 36 બોલમાં અડધી સદી ફટકારી હતી.

Related News
Sports News
Loading...
Facebook Twitter LinkedIn Pinterest
Get In Touch

Rajkot - Head Office, Sanj Samachar Corporate House, 2nd Floor, Kasturba Road, Near Sharda Baug
Rajkot-360001

0281-2473911-12-13

[email protected]

Privacy-policy
Keep In Touch

Subscribe to Our Newsletter to get Important News & Offers

Download App from

Download android app - Sanj Download ios app - Sanj