મહાકુંભમાં મોટી ઘાત ટળી - બે બોટ વચ્ચે ટકકર : તમામને સુરક્ષિત બચાવાયા
એનડીઆરએફની ટીમ દ્વારા બચાવકાર્ય
પ્રયાગરાજ,તા.17
ઉત્તર પ્રદેશના પ્રયાગરાજ મહા કુંભમાં એક અકસ્માત થયો છે. બે બોટ ડૂબી જવાની માહિતી સામે આવી છે. જણાવવામાં આવી રહ્યું છે કે, સંગમ સ્નાન દરમિયાન બોટ એકબીજા સાથે અથડાઈ હતી. બોટમાં ઘણા લોકો હતા, જેઓ ડૂબવા લાગ્યા હતા.
પરંતુ NDRF ના જવાનોએ સમયસર તેમને બચાવી લીધા હતા. તમામને સુરક્ષિત બહાર કાઢવામાં આવ્યા હતા. એનડીઆરએફના જણાવ્યા અનુસાર, ઘટના સમયે શ્રદ્ધાળુઓથી ભરેલી એક બોટ બીજી સાથે અથડાઈ હતી.
આ દરમિયાન ઘણા લોકો નદીમાં ડૂબવા લાગ્યા હતા. અવાજ સાંભળીને સ્થળ પર પેટ્રોલિંગ કરી રહેલા NDRF જવાનોએ ચાર્જ સંભાળી લીધો હતો. સૂત્રોના જણાવ્યા અનુસાર 5 લોકોને બચાવી લેવાયા છે.
ઉલ્લેખનીય છે કે, આ પહેલા મંગળવારે બપોરે પણ એક બોટ પલટી ગઈ હતી, ત્યારબાદ 9 લોકો ડૂબવા લાગ્યા હતા. સ્થળ પર હાજર NDRF ટીમોએ સમયસર 7 લોકોને બચાવી લીધા હતા, પરંતુ મિલિટરી એન્જિનિયરિંગ સર્વિસ (MES) કોન્ટ્રાક્ટર સુરેશ કુમાર અગ્રવાલ અને તેની સંબંધી લલિતાનો કોઈ પત્તો લાગ્યો ન હતો.
_copy.jpg)
.jpg)
.jpg)
.jpg)
