ભારતીય ટીમના ધુરંધર બેટર્સના લિસ્ટમાં સામેલ થયો નિતીશ કુમાર રેડ્ડી
હજી તો બે જ ટેસ્ટ રમાઈ છે ત્યાં સિરીઝનો સિકસ-ટોપર બની ગયો
પર્થ: પર્થ ટેસ્ટમાં ઈન્ટરનેશનલ ટેસ્ટ-ડેબ્યુ કરનાર 21 વર્ષના નીતીશકુમાર રેડ્ડીએ પહેલી બે ટેસ્ટ-મેચમાં એક મોટો રેકોર્ડ તોડીને શાનદાર રેકોર્ડની બરાબરી પણ કરી લીધી છે. પર્થ અને એડીલેડ ટેસ્ટમાં મળીને તેણે કુલ 7 સિકસર ફટકારી છે.
તે ઓસ્ટ્રેલિયામાં એક ટેસ્ટ સિરીઝ દરમ્યાન સૌથી વધુ 7 સિકસર ફટકારનાર ભારતીય બેટર બની ગયો છે. તેણે આ લીસ્ટમાં નંબર વન પર રહેલા વીરેન્દર સેહવાગ અને મુરલી વિજયનો 6 સિકસરનો રેકોર્ડ તોડયો છે.
નીતીશે પોતાની પહેલી ચાર ઈનિંગ્સમાં અનુક્રમે 41, 38, 42 અને 42 રનની ઈનિંગ્સ રમી હતી. તે પોતાની પહેલી ચાર ટેસ્ટ ઈનિગ્સમાંથી ત્રણ ઈનિંગ્સમાં ટીમનો ટોપસ્કોરર બનનાર સુનીલ ગાવસકર બાદ બીજો ભારતીય અને ઓવરઓલ આઠમો ક્રિકેટર બન્યો છે. સુનીલ ગાવસકરે 1971માં વેસ્ટ ઈન્ડીઝ સામેની ડેબ્યુ ટેસ્ટ સિરીઝમાં આ કમાલ કરી હતી.
ઓલ રાઉન્ડર નીતીશ નંબર સાત અથવા એનાથી નીચલા ક્રમે બેટિંગ કરીને ટેસ્ટની બન્ને ઈનિંગ્સમાં ટીમ માટે ટોપસ્કોરર બનાવનાર ચોથો ભારતીય પણ બન્યો છે. આ પહેલા ઈંગ્લેન્ડ સામેની મેચમાં 1961માં ચંદુ બોર્ડે, 2011માં મહેન્દ્રસિંહ ધોની અને 2018માં રવિચંદ્રન અશ્ર્વિને આવું પ્રદર્શન કયુર્ં હતું.
.jpg)
_copy.jpg)
.jpg)
