તેલનું ટેન્કર પલ્ટી જતા અફરાતફરીનો માહોલ સર્જાયો
(ફારૂક ચૌહાણ) વઢવાણ,તા.13
ધ્રાંગધ્રા કચ્છ હાઈવે પર ચુલી ગામ પાસે કચ્છમાંથી તેલ ભરીને અમદાવાદ તરફ જતું ટેન્કર રોડની સાઈડમાં પલટી ખાઈ ગયું હતું. આથી તેલ લેવા માટે મોટી સંખ્યામાં લોકો દોડી ગયા અને અફરાતફરીનો માહોલ છવાઈ ગયો હતો. ધ્રાંગધ્રા-હળવદ હાઇવે પર અકસ્માતો જોવા મળતા હોય છે ત્યારે ચુલી ગામ નજીક હાઈવે પર કચ્છ ગાંધીધામથી અમદાવાદ તરફ જઈ રહેલા તેલના ટેન્કરને ચુલી ગામ તારંગા ધામ નજીક ટેન્કરના ચાલકે સ્ટિયરિંગ પર કાબૂ ગુમાવતા તેલનું ટેન્કર રોડની સાઈડમાં પલટી મારી ગયું હતું.
આ અકસ્માતમાં ટેન્કરમાંથી તેલ ધોળાતા આજુબાજુના ગ્રામ્ય વિસ્તારના લોકો દ્વારા તેલ ભરવા માટે ગેલનીયા, કેરબા સહિતના વાસણો લઈને લોકોએ પડાપડી કરતા દ્રશ્ય જોવા મળ્યા હતા. જેમાં તેલનું ટેન્કર પલટી મારતા ચાલકને નાની મોટી ઇજાઓ થવા પામી હતી. જેમાં મોટી જાનહાનિ ટળી હતી અને ધ્રાંગધ્રા સરકારી દવાખાનામા સારવાર માટે લઇ જવામાં આવ્યા હતા. ધ્રાંગધ્રા તાલુકા પોલીસને ઘટનાની જાણ થતા પોલીસ ઘટના સ્થળે પહોંચી અને કામગીરી હાથ ધરાઈ હતી.
.jpg)
.jpg)
.jpg)
_copy.jpg)
_copy.jpg)
_copy.jpg)
_copy.jpg)
.jpg)
.jpg)
