બિલ્ડરો સાવધાન! પાર્કિંગમાં ગેરકાયદે બાંધકામ થતા ફલેટનુ વેચાણ રોકી દેવા ‘રેરા’નો આદેશ

Gujarat | Ahmedabad | 24 May, 2024 | 04:01 PM
અમદાવાદનો કિસ્સો: ફલેટના દસ્તાવેજો નહીં કરવા સબરજીસ્ટ્રારને પણ સુચના
સાંજ સમાચાર

ગાંધીનગર,તા.24
રિયલ એસ્ટેટ સેક્ટરમાં બધા નીતિ-નિયમોનું પાલન થાય અને ગ્રાહકોના હિત જળવાય તે માટે ગુજરાત રિયલ એસ્ટેટ રેગ્યુલેટરી ઓથોરિટી એટલે કે ગુજરેરાની રચના કરવામાં આવી છે. ગુજરેરા પાસે એવા ઢગલાબંધ કેસ આવે છે જેમાં બિલ્ડરોએ ગોટાળા કર્યા હોય છે અને પછી ગુજરેરા દ્વારા તેની સામે પગલાં લેવામાં આવે છે.

અમદાવાદમાં એક બિલ્ડરે પાર્કિંગની જગ્યામાં ગેરકાયદે બાંધકામ કર્યું અને દુકાનો બનાવી નાખી. તેની સામે એક રહેવાસીએ ગુજરેરામાં ફરિયાદ કરતા બિલ્ડરને આંચકો લાગ્યો છે. ગુજરેરાએ બિલ્ડરને બાકી રહેલા ખાલી ફ્લેટનું વેચાણ કરવાની મનાઈ ફરમાવી છે.

અમદાવાદના રામોલ એરિયામાં શાહ એ આલમ રેસિડન્સીનો આ કેસ છે જેમાં ફોઝિયાબાનુ શેખે એ બ્લોકમાં એક ફ્લેટ ખરીદ્યો હતો. આ સોસાયટીમાં કુલ 193 યુનિટ છે જેની સામે બિલ્ડરે માત્ર 30 યુનિટ માટે જ પાર્કિંગની વ્યવસ્થા કરી છે. આ ઉપરાંત પાર્કિંગની જગ્યા પર ઈલિગલ ફ્લેટ્સ અને શોપ્સ બાંધી નાખી છે.

આ વિશે ફોઝિયાબાનુ શેખ અને બીજા મેમ્બરે ગુજરેરા સામે ફરિયાદ કરી હતી. ગુજરેરાએ વચગાળાનો આદેશ આપ્યો છે અને અત્યારે ખાલી પડેલા ફ્લેટ કોને વેચવાની બિલ્ડરને મનાઈ ફરમાવી છે.

શાહ એ આલમ રેસિડન્સીમાં માત્ર પાર્કિંગમાં ઈલિગલ બાંધકામનો ઈશ્યૂ નથી પરંતુ બાંધકામની ક્વોલિટીનો પણ સવાલ છે. ક્ધસ્ટ્રક્શનની ગુણવત્તા નબળી છે, વોટર કનેક્શન અને ફાયર સેફ્ટીના ઈક્વિપમેન્ટ જેવી સગવડોનો અભાવ છે. આ ફ્લેટ્સમાં હંમેશા ભેજ રહે છે અને પાણીના લિકેજનો પણ પ્રશ્ન છે. બિલ્ડરે ફ્લેટના માલિકો પાસેથી લાઈફટાઈમ મેન્ટેનન્સ ફી લઈ લીધી હોવા છતાં કોઈ સુવિધા આપવાના બદલે લોકોને ધમકાવે છે અને ડરાવે છે તેવી ફરિયાદ કરવામાં આવી છે.

ફરિયાદ કરનાર મેમ્બર્સે ગુજરેરામાં પૂરાવા તરીકે બ્રોશર, સ્કીમના ફોટોગ્રાફ, તથા અન્ય એલોટીને અપાયેલા ક્ધસેન્ટ લેટર રજુ કર્યા હતા. આ કેસની સુનાવણી દરમિયાન એવું બહાર આવ્યું કે પ્રોજેકટ 31 ડિસેમ્બર 2021ના રોજ પૂરો થવાનો હતો પરંતુ કોવિડ-19ના કારણે પ્રોજેકટ લાંબો ચાલ્યો અને જૂન 2022માં પૂરો થયો હતો.

આમ છતાં બિલ્ડરે રેરા પાસેથી કોઈ એક્સ્ટેન્શન મેળવ્યું ન હતું. ઓથોરિટીએ અસલાલી સબ રજિસ્ટ્રાર ઓફિસર પાસેથી વણવેચાયેલા ફ્લેટની ડિટેલ મેળવી હતી. તેમાં જાણવા મળ્યું કે ફ્લેટ નંબર 601થી 611 અને 614 તથા 701 અને 714 પણ વેચાયા વગરના હતા. આ વિશે સ્કીમના પ્રમોટર્સ અને પાર્ટનર્સને નોટિસ પણ મોકલવામાં આવી હતી પરંતુ તેમણે કોઈ રિસ્પોન્સ આપ્યો ન હતો.

ત્યાર બાદ ગુજરેરાના મેમ્બર એમ એ ગાંધીએ વચગાળાનો ઓર્ડર આપ્યો છે અને વણવેચાયેલા ફ્લેટનું વેચાણ ન કરવા બિલ્ડરને આદેશ અપાયો છે. હવે આ ઓર્ડરની કોપી સબ-રજિસ્ટ્રારની ઓફિસને મોકલવામાં આવશે અને સોસાયટીના મેઈન પાર્ટ પર ચોંટાડવામાં આવશે જેથી સોસાયટીના મેમ્બર અને સંભવિત ખરીદદારોને ખબર પડે કે આ ફ્લેટ્સ અંગે લિટિગેશન ચાલે છે તેથી તેના સોદામાં ન પડે.

 

Related News
Sports News
Loading...
Facebook Twitter LinkedIn Pinterest
Get In Touch

Rajkot - Head Office, Sanj Samachar Corporate House, 2nd Floor, Kasturba Road, Near Sharda Baug
Rajkot-360001

0281-2473911-12-13

[email protected]

Privacy-policy
Keep In Touch

Subscribe to Our Newsletter to get Important News & Offers

Download App from

Download android app - Sanj Download ios app - Sanj