વોશિંગ્ટન: અમેરિકામાં આજે જ પ્રમુખપદે ડોનાલ્ડ ટ્રમ્પ શપથ લઈ રહ્યા છે તે સમયે જ વોશિંગ્ટન ડીસીમાં ગોળીબારની બનેલી ઘટનામાં એક ભારતીય યુવકનું મોત થયુ હતું. આ ઘટના આજે વહેલી સવારે બની હતી. હૈદરાબાદની બીબીએનો અભ્યાસ કરી અમેરિકામાં એમબીએ કરવા આવેલા રવિ તેજા નામના યુવકની ગોળી મારી હત્યા કરવામાં આવી હતી. છેલ્લા 2 વર્ષથી વધુ સમયથી અમેરિકામાં રહી તે અભ્યાસ બાદ સેટલ થઈ રહેલા રવિ તેજા તેનો અભ્યાસ પુરો કર્યા બાદ નોકરીની શોધમાં હતો. હવે તેના પર શા માટે ગોળીબાર થયો અને તે હુમલાને વંશીય હિંસા સાથે કોઈ સંબંધ છે કે કેમ તેના પર પોલીસ તપાસ કરી રહી છે. ટ્રમ્પની શપથવિધિ પુર્વે વોશિંગ્ટન ડીસીમાં ભારે સુરક્ષા વ્યવસ્થા ઉભી કરવામાં આવી છે તે સમયે જ વોશિંગ્ટન ડીસીમાં ગોળીબાર અને હત્યાની સનસનાટી મચી છે અને ભારતીય રાજદૂત આ ઘટના અંગે સતત સંપર્કમાં છે. આ યુવકના માતા-પિતા હૈદરાબાદમાં રહે છે. તેઓને આ કુટુંબને ઘટનાની જાણ કરવામાં આવી છે પણ મહત્વપૂર્ણ રીતે વોશિંગ્ટન ડીસીમાં સુરક્ષા સામે પ્રશ્ર્નો ઉભા થયા છે.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy