રાજકોટ, તા.24
અમેરિકામાં ટ્રમ્પની તાજપોશી અને નવા-નવા નિર્ણયો ભારતને ભારે પડવાની આશંકાથી શેરબજારમાં મંદીનો માહોલ યથાવત રહ્યો છે. સેન્સેક્સમાં આજે 400 પોઇન્ટનું ગાબડુ પડવા સાથે અફડાતફડી હતી.
શેરબજારમાં આજે શરૂઆત પોઝીટીવ ટોને થઇ હતી. વૈશ્વિક ઘટનાક્રમોની ભારત પર વ્યાપક અસર થવાની લાલબતી તથા વિદેશી નાણાં સંસ્થાઓની એકધારી આક્રમક વેચવાલીથી માનસ સાવચેતીનું રહ્યું હતું.
જાણીતા શેરબ્રોકરોના કહેવા પ્રમાણે નવા સારા કારણોની ગેરહાજરી તથા આવતા સપ્તાહમાં સામાન્ય બજેટ રજુ થવાનું હોવાના કારણે ઓપરેટરો મોટા ઇન્વેસ્ટરો વેપાર સરખા કરવા લાગ્યા હતા. બજેટ સુધી અનિશ્ચિત વાતાવરણ રહેવાનું માનવામાં આવે છે.
શેરબજારમાં આજે ટીસીએસ, ટેક મહિન્દ્ર, ભારતી એરટેલ, હિન્દ લીવર, ઇન્ફોસીસ, નેસલે, આઇશર મોટર્સ, બ્રિટાનીયા, ગ્રાસીમ જેવા શેરોમાં સુધારો હતો. જ્યારે ટાઇટન, અલ્ટ્રાટેક સિમેન્ટ, અદાણી પોર્ટ, એચડીએફસી બેંક, ઇન્ડુસઇન્ડ બેંક, લાર્સન, મારૂતી, રીલાયન્સ, સ્ટેટ બેંક, ટાટા મોટર્સ, ડો. રેડ્ડી, ટ્રેન્ટ, સીપ્લા જેવા શેરોમાં ગાબડા હતા.
મુંબઇ શેરબજારનો સેન્સીટીવ ઇન્ડેક્સ 372 પોઇન્ટના ગાબડાથી 67118 હતો. નેશનલ સ્ટોક એકસચેંજનો નિફટી 130 પોઇન્ટના ઉછાળાથી 23074 હતો તે ઉંચામાં 23347 તથા નીચામાં 23065 હતો.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy