ધો.8 પાસ શખ્સ પણ ડોકટર બની સારવાર કરતો હતો: પોલીસ પણ સ્તબ્ધ

ગુજરાતમાં સૌથી વધુ બોગસ તબીબ સુરતના ? વધુ 13 ઝડપાયા

► પાંડેસરા વિસ્તારમાં પોલીસે ત્રણ ક્લીનિકોમાં દરોડા પાડી ત્રણ બોગસ તબીબને પકડયા બાદ મેડિકલ ડિગ્રી વેંચતી ગોવિંદપ્રભા આરોગ્ય સંકુલ કોલેજનો ઘટસ્ફોટ થયો: પોલીસે સંચાલક રશેષ ગુજરાતીને પણ દબોચી લીધો

► મુખ્ય આરોપી રૂા.75 હજાર ફી લઈ ધો.10 પાસ લોકોને ઇલેક્ટ્રો હોમિયોપેથીની ડીગ્રી આપતો, સાથે દવા કેમ આપવી તે માટે ટ્રેઇન પણ કરતો હતો: પાંડેસરા પોલીસે બોગસ ડીગ્રી આપનાર ત્રણ શખ્સો સહિત 13 બોગસ તબીબને પકડ્યા

રાજકોટ. તા.06
ગુજરાત પોલીસે સુરતમાંથી નકલી મેડિકલ ડિગ્રી આપતી ગેંગનો પર્દાફાશ કરી 10 બોગસ તબીબ સહિતની ટોળકીને ઝડપી લીધી હતી. આ ટોળકી છેલ્લા 32 વર્ષથી ઓછા ભણેલા બેરોજગારોને 70 હજાર રૂપિયામાં નકલી ડિગ્રી આપવાનું કામ કરતી હતી. તે રજીસ્ટ્રેશન રીન્યુ કરાવવા માટે 5000 રૂપિયાની ફી પણ લેતાં હતાં. તેમાંથી એક આઠમું પાસ છે. નકલી ડોક્ટર શમીમ અંસારી પણ સામેલ છે, જેની ખોટી સારવારને કારણે થોડા દિવસ પહેલા એક યુવતીનું મોત થયું હતું. આ કેસમાં અત્યાર સુધીમાં કુલ 13 લોકોની ધરપકડ કરવામાં આવી છે.

ઉપરાંત પીલીસને ટોળકીના બે મુખ્ય આરોપી ડો.રષેશ ગુજરાતી અને બીકે રાવત પાસેથી પોલીસને સેંકડો અરજીઓ અને પ્રમાણપત્રો મળ્યા છે. અત્યાર સુધી આ ટોળકીએ 1200 લોકોને નકલી મેડિકલ સર્ટિફિકેટ આપ્યા હતા.

તેમજ પોલીસે પાંડેસરામાં 3 ક્લિનિક પર દરોડા પાડ્યા હતા. જ્યાં તેમની પાસેથી બેચલર ઓફ ઈલેક્ટ્રો હોમિયોપેથી મેડિસિન અને સર્જરીના સર્ટિફિકેટ મળી આવ્યા હતા, જે સુરતના બે ડોક્ટર દ્વારા ઈસ્યુ કરવામાં આવ્યા હતા. તપાસ કરતાં જાણવા મળ્યું કે તેમને આપવામાં આવેલ સર્ટિફિકેટ ગુજરાત સરકાર દ્વારા માન્ય નથી. પોલીસ સાથે દરોડો પાડવા ગયેલી ટીમે પણ ડિગ્રી નકલી હોવાનું જણાવ્યું હતું.

મુખ્ય આરોપીએ 1990માં ઈલેક્ટ્રો હોમિયોપેથીનો અભ્યાસ કર્યો
રાજકોટ. તા.06
પકડાયેલા આરોપી ડો. રષેશ ગુજરાતીએ પોલીસ સમક્ષ કબૂલાત કરી હતી કે તેણે 1990ના દાયકામાં ઈલેક્ટ્રો હોમિયોપેથીનો અભ્યાસ કર્યો હતો. તેમણે ઘણા ટ્રસ્ટોમાં વક્તા તરીકે કામ કરવાનું ચાલુ રાખ્યું, પરંતુ જ્યારે તેનો વધુ ફાયદો ન થયો, ત્યારે તેમણે ઇલેક્ટ્રો હોમિયોપેથીના ક્ષેત્રમાં પ્રવેશ કર્યો. તેણે આ ગેંગ શરૂ કરી કારણ કે ભારત સરકાર કે રાજ્ય સરકારે ઈલેક્ટ્રો હોમિયોપેથી માટે કોઈ નિયમો લાગુ કર્યા નથી. તેમને 2002માં ગોપીપુરા વિસ્તારમાં કોલેજ શરૂ કરી હતી, પરંતુ વિદ્યાર્થીઓના અભાવે કોલેજ બંધ થઈ ગઈ હતી. આ પછી તેણે રાવત સાથે મળીને ડિગ્રી વેચવાનો ધંધો શરૂ કર્યો હતો. 

પકડાયેલા બોગસ તબીબ
સુરતના પાંડેસરા વિસ્તારમાંથી પકડાયેલા બોગસ ડીગ્રી આપનાર આરોપીમાં ડો.રસેષ વિઠલદાસ ગુજરાથી (ઉ.વ.58) રહે.એ/32 બાલાજીકુપા સોસાયટી પાલનપુરા જકાતનાકા રાંદેર રોડ રાંદેર સુરત ભુપેન્દ્ર સુરજભાન રાવત (ડો.બી.કે.રાવત) (ઉ.વ.64) રહે.458 જલપરી સોસાયટી વસ્ત્રાલ રોડ, અમદાવાદ અને ઈરફાન ઈસ્માઈલ સૈયદ (ઉ.વ.38) (રહે ઘર નં.8, બિલ્ડીંગ નં.એ/14 કમરૂનગર ટેનામેન્ટ મીઠી ખાડી લીંબાયત રાકેશ ચંદુ પટેલ (ઉ.વ.42) રહે.ઘર નંબર સી/3/207 સ્વસ્તીક રેસીડેન્સીઓમનગરની સામે ડિડોલી સુરત,આમીન જાફર ખાન ઉ.વ.34 રહે ઘર નં.691 હરપતિ કોલોની માનદરવાજા સુરત,અસીમ સીરાજઉદ્દીન અંસારી (ઉ.વ.38) રહે.પ્લોટ નં.10 અને 11 ગરીબ નવાજનગર, એકતા ચોકડી, ભેસ્તાન સુરત સૈયદ અબ્બુબકકર અબદુલબંસલ ઉ.વ.35 રહે.પ્લોટ નં.72 આસ્માનગરઉન સુરત, મોહમદ ઈસ્માઈલ હરિમુદ્દીન શેખ (ઉ.વ.30) રહે પ્લોટ નં.39 મુસ્તાકભાઈ અહેમદભાઈ મંસુરીના મકાનમાં શાસ્ત્રીનગર મદીના મઝીદ પાસે લિમ્બાયત સુરત તબરીશ સલીમ સૈયદ ઉ.વ.37 રહે ફલેટ નં.1303 બ્લોક.જી સુમન સિદ્ધી સોસાયટી ગોકુલધામ સોસાયટીની બાજુમાં લિમ્બાયત સુરત, રાહુલ તુરંતલાલ રાઉત (ઉ.વ.23) રહે.પ્લોટ નં.04 રફીયાદીસાદ્દીકના મકાનમાં,ગલી નંગર 01 રમાબાઈ ચોક મિઠી ખાડી લિમ્બાયત સુરત શશીકાંત મીશ્રી મહંતો (ઉ.વ.44) રહે એસ/30 કેશવનગર સોસાયટી હાઉસીંગ બમરોલી રોડ પાંડેસરા સુરત સિદ્ધાર્થ કાલીપદ દેવનાથ (ઉ.વ.38) કિલનીક એડ્રેસ 217 ઈશ્ર્વરનગર સોસાયટી કૈલાશ ચોકડી પાસે, પાંડેસરા સુરત રેલગેટ મહોલ્લા ધુબુલીયા, થાના ધુબીલીયા જી-નદીયા, રાજય વેસ્ટબંગાલ પાર્થ કાલીપદ દેબનાથ (ઉ.વ.38) કિલનીક એડ્રેસ 217 ઈશ્ર્વરનગર સોસાયટી કૈલાશ ચોકડી પાસે, પાંડેસરા સુરતને પકડી પાડયા હતાં.

નોંધણી વેબસાઇટ પણ નકલી
રમેશ ગુજરાતીને ખબર પડી કે ભારતમાં ઈલેક્ટ્રો-હોમિયોપેથી માટે કોઈ નિયમો અને નિયમો નથી. આ પછી તેણે આ કોર્સમાં ડિગ્રી આપવા માટે બોર્ડ બનાવવાની યોજના બનાવી. આ માટે તેણે પાંચ લોકોને રાખ્યા હતા. તેમને ઈલેક્ટ્રો-હોમિયોપેથીની તાલીમ આપી. 3 ના બદલે 2 વર્ષમાં તેમની ડિગ્રી પૂર્ણ કર્યા પછી, તેમને ઇલેક્ટ્રો-હોમિયોપેથી દવાઓ લખવાની તાલીમ આપવામાં આવી. લોકોએ 70 હજાર રૂપિયા ચૂકવ્યા, ત્યારબાદ તેને 15 દિવસમાં પ્રમાણપત્ર આપવામાં આવ્યું. તેમની નોંધણી માટેની વેબસાઇટ પણ નકલી હતી.

પોલીસ કમિશ્નર અનુપમસિંહ ગહેલોતના માર્ગદર્શન હેઠળ પાંડેસરા પોલીસે સતત બીજીવાર બોગસ તબીબ પકડયા
લોકોના આરોગ્ય સાથે ચેડા કરતાં બોગસ તબીબોને પકડવા સુરત પોલીસ કમીશ્નર અનુપમસિંહ ગહેલોતના માર્ગદર્શન હેઠળ પાંડેસરા પોલીસ મથકના પીઆઈ એન.એન.ગઢવી, આઈ.એન.ડુદાવી અલથાણ પોલીસ મથકના પીઆઈ ડી.ડી.ચૌહાણ અરોદરા પોલીસ મથકના પીઆઈ બી.આર.રબારી સહીતની ટીમે કામગીરી કરી હતી.