રવિવારે વાઢાળા સમાજનો પ્રથમ સમૂહ લગ્નોત્સવ યોજાશે

લગ્નની વિધિ પહેલા ગૌમાતાનું પૂજન કરી ત્રણ દીકરીઓ પ્રભુતામાં પાડશે

રવિવારે વાઢાળા સમાજનો પ્રથમ સમૂહ લગ્નોત્સવ યોજાશે

Local | Rajkot | 24 January, 2025 | 03:51 PM

સાંજ સમાચાર

રાજકોટ, તા.24
ખમિરવંતો ઈતિહાસ ધરાવતા અને તલવાર બનાવવાની કળા માટે જાણીતા વાઢાળા સમાજનો પ્રથમ સમૂહલગ્નોત્સવ 26 જાન્યુઆરીએ રવિવારે બપોરે 12 કલાકે ચોટીલા ખાતે આવેલા મોલશ્ર્વર મહાદેવ મંદિર પરિસરમાં યોજાશે. આ પ્રસંગે વાઢાળા સમાજના ત્રણ નવદંપતીઓ સમાજના આગેવાનો, સાધુસંતો અને રાજકિય આગેવાનો, રાજવી પરિવારોના હાજરીમાં પ્રભુતામાં પગલાં પાડશે.વાઢાળા સમાજ ના સમૂહ લગ્નમાં 3 દીકરીઓ પ્રભુતામાં પગલા માંડશે.

જેમાં દીકરીઓને 150 થી વધુ વસ્તુઓ કરિયાવર રૂપે આપશે. વાઢારા સમાજ દ્રારા પ્રથમ સમૂહ લગ્નોત્સવની કંકોત્રીમાં ગૌ માતાને રાષ્ટ્રમાતા જાહેર કરવાની અપિલ કરવામાં આવી છે.

આ તકે સ્વ. મહંતશ્રી કાંતિબાપુ,મહંતશ્રી અશ્ર્વિનગીરી શ્રીચામુંડા માતાજી ,ચોટીલા,શ્રી કાલીદાસજી બાપુ - ગૌ ભકત મંદિર - દેકાવાડા, અવધુત રામાણીબાપુ -ગૌભકત, કેસરગઢ,શ્રી દામજીબાપા -જલારામ મંદિર ચોટીલા,શ્રી કબીર આશ્રમ -ચોટીલા,શ્રી બ્રહમાકુમારી મીરાબેન ખાસ હાજરી આપી નવદંપતીને આશીર્વાદ આપશે.

આ સાથે લગ્નની વિધિ પહેલા ગૌમાતાનું પૂજન કરીને સમૂહલગ્નોત્સવને ખુલ્લો મુકવામાં આવશે. આજે પણ કુરિવાજો સામે લડી રહેલા સમાજમાં દીકરો દીકરી એક સમાન અને સ્ત્રી શિક્ષણનો સંદેશો પણ આપવામાં આવશે. આ કાર્યક્રમમાં ગૌરક્ષાનું કામ કરતા ગૌભક્તો અને સાધુ-સંતો મોટી સંખ્યામાં હાજરી આપીને નવદંપતીને આર્શિવાદ આપશે.

આ આયોજન અંતર્ગત હરેશ ભાઈ ચૌહાણ, કુલદીપ સોલંકી, હર્ષિલ ચૌહાણ, જૈમિન બોડાણા, જૈનીલ ઉપાધ્યાય, ભાવિન વાળા, કેતન સંઘવી એ સાંજ સમાચારની મુલાકત લીધી હતી.