કંગના રનૌતની ફિલ્મ ‘ઇમરજન્સી’ પાછળની વાસ્તવિક કહાની

India, Entertainment | 18 January, 2025 | 12:13 PM

સાંજ સમાચાર

મુંબઈ:
કંગના રનૌતની બહુચર્ચિત ફિલ્મ ‘ઇમરજન્સી’ આખરે થિયેટરોમાં આવી ગઈ છે, જેમાં વાસ્તવિક કહાનીની રાજકીય ઉથલપાથલની જેમ અનેક અવરોધો અને મુશ્કેલીઓનો સામનો કરવો પડ્યો છે.

આ ફિલ્મ ભારતીય ઈતિહાસનાં સૌથી વિવાદાસ્પદ પ્રકરણોમાંના એક પર પ્રકાશ પાડે છે જે છે 1975 માં તત્કાલિન વડાપ્રધાન ઈન્દિરા ગાંધી દ્વારા જાહેર કરાયેલ ઈમરજન્સી જયારે રાજકીય અશાંતિ અને વધતાં વિરોધ સામે કટોકટી જાહેર કરવામાં આવી હતી.

ઈન્દિરા ગાંધીની 1971 ની ચૂંટણીની જીતને ચૂંટણીમાં ગેરરીતિઓને કારણે અમાન્ય ઠેરવતાં અલ્હાબાદ હાઇકોર્ટનાં નિર્ણય બાદ, તેમનાં પગ નીચેની રાજકીય જમીન ખસવા લાગી હતી. આ નિર્ણયથી તેમનાં રાજીનામાની માંગ ઉઠવા લાગી, જેનાં કારણે ભ્રષ્ટાચાર અને ખરાબ શાસન સામે વ્યાપક વિરોધ થયો હતો.

વધતાં દબાણનો સામનો કરીને ગાંધીએ સત્તા પર પોતાની પકડ મજબૂત કરવાનો નિર્ણય કર્યો. 25 જૂન, 1975 ના રોજ, તેમણે આંતરિક અશાંતિને ટાંકીને ભારતીય બંધારણની કલમ 352 નો ઉપયોગ કર્યો અને ઈમરજન્સી નાખી હતી.

ત્યારબાદ જે 21 મહિનાનો સમયગાળો હતો જેમાં નાગરિક સ્વતંત્રતાઓને અંકુશમાં લેવામાં આવી હતી, રાજકીય વિરોધીઓને જેલમાં ધકેલી દેવામાં આવ્યાં હતાં અને પ્રેસને સેન્સર કરવામાં આવ્યું હતું અને એક લોકશાહી દેશ સરમુખત્યારશાહી શાસનમાં ડૂબી ગયો હતો.

કંગનાની ‘ઇમર્જન્સી’ પ્રેક્ષકોને આ અંધકારમય અને નિર્ણાયક સમયગાળાના એક આકર્ષક પ્રવાસ પર લઈ જાય છે. ઐતિહાસિક ગંભીરતા અને નાટ્યાત્મક વાર્તા કહેવાના મિશ્રણ સાથે, આ ફિલ્મ ભારતનાં લોકશાહી અજમાયશની ઊંડાઈને સમજવા ઈચ્છતાં લોકોએ જોવી જોઈએ. કંગના દ્વારા લખાયેલી, દિગ્દર્શિત અને હેડલાઈનવાળી ફિલ્મ ’ઈમરજન્સી’ ભારતીય ઈતિહાસના સૌથી વિવાદાસ્પદ સમયગાળામાંના એક પર આધારિત છે.

આ ફિલ્મમાં અનુપમ ખેર, મહિમા ચૌધરી, મિલિંદ સોમન, શ્રેયસ તલપડે, વિશાક નાયર અને સ્વર્ગસ્થ સતીશ કૌશિક સહિતનાં કલાકારો છે. ઝી સ્ટુડિયો, મણિકર્ણિકા ફિલ્મ્સ અને રેણુ પટ્ટી દ્વારા આ ફિલ્મ નિર્મિત છે. સંચિત બલહારા અને જી.વી. પ્રકાશ કુમાર દ્વારા દિગ્દર્શિત અને રિતેશ શાહ દ્વારા લખાયેલાં સંવાદો સાથે, આ ફિલ્મ આજે સિનેમાઘરોમાં રિલીઝ થઈ રહી છે.