મુંબઈ : સૈફ અલી ખાન હવે સ્વસ્થ છે. તે પોતાનાં ઘરે પરત ફર્યો છે. સૈફ ઘરે પરત ફરે તે પહેલાં મુંબઈ પોલીસે આરોપીઓ સાથે મળીને તેનાં ઘરે ક્રાઈમ સીન રિક્રિએટ કર્યો હતો.
આ દરમિયાન મુંબઈ પોલીસને ખબર પડી કે સૈફના ઘરની સુરક્ષા વ્યવસ્થામાં ક્યાં અને શું ખામીઓ હતી. પોલીસ અધિકારીએ કહ્યું કે જ્યારે હુમલાખોર આવ્યો ત્યારે ગાર્ડ સૂતાં હતાં અને બિલ્ડિંગના આગળનાં ગેટ પર કોઈ સીસીટીવી કેમેરા લગાવેલાં ન હતાં.
પોલીસ અધિકારીએ કહ્યું કે સૈફ અલી ખાન જ્યાં રહે છે તે બિલ્ડિંગના બંને ગાર્ડ સૂઈ રહ્યાં હતાં. હુમલાખોર બાઉન્ડ્રી વોલ પર ચઢીને ઈમારતમાં ઘુસ્યો હતો. ગાર્ડને સૂતો જોઈને હુમલાખોર મુખ્ય પ્રવેશદ્વારથી બિલ્ડીંગમાં ઘુસ્યો જ્યાં સીસીટીવી કેમેરા લગાવવામાં આવ્યાં ન હતાં. તેણે તેનાં જૂતા ઉતાર્યા, તેને તેની બેગમાં મૂક્યા અને તેનો ફોન બંધ કરી દીધો જેથી કોઈ અવાજ ન થાય.
પોલીસ અધિકારીએ વધુમાં કહ્યું, તપાસ દરમિયાન, પોલીસને જાણવા મળ્યું કે બિલ્ડિંગના કોરિડોરમાં કોઈ સીસીટીવી કેમેરા લગાવવામાં આવ્યો ન હતો. જ્યારે હુમલાખોર બિલ્ડિંગમાં પ્રવેશ્યો ત્યારે એક ગાર્ડ તેની કેબિનમાં સૂતો હતો અને બીજો ગાર્ડ ગેટ પાસે સૂતો હતો.
પોલીસનાં નિવેદન બાદ સૈફની બિલ્ડિંગની સુરક્ષા વધારી દેવામાં આવી છે પોલીસ અધિકારીએ એમ પણ કહ્યું કે આરોપીને બાંદ્રા અથવા સાંતાક્રુઝ પોલીસ સ્ટેશનના પોલીસ લોકઅપમાં રાખવામાં આવ્યો છે અને તપાસ અધિકારી સિવાય કોઈને પણ આરોપીને મળવાની મંજૂરી નથી.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy