અમદાવાદમાં આવતીકાલથી બે દિ’ કોલ્ડ પ્લે કોન્સર્ટ : પ્રેક્ષકોને ચોખાના ફોતરામાંથી બનેલા રિસ્ટ બેન્ડ અપાશે

Gujarat | Ahmedabad | 24 January, 2025 | 12:29 PM
કોલ્ડ પ્લેની થીમ ઝીરો વેસ્ટ હોઇ સ્ટેડિયમને કચરાથી મુકત રાખવા ખાસ સ્વયં સેવકો હાજર રહેશે
સાંજ સમાચાર

અમદાવાદ, તા.24
નરેન્દ્ર મોદી સ્ટેડિયમમાં આગામી 25 અને 26 જાન્યુઆરીએ કોલ્ડ પ્લે કોન્સર્ટ યોજાશે. જેમાં કોલ્ડ પ્લેની ટીમે ‘ઝીરો વેસ્ટ’ની થીમ અપનાવી છે. સ્ટેડિયમને કચરાથી મુક્ત રાખવા ખાસ સ્વયંસેવક લીલા જેકેટમાં હાજર રહેશે. આ ઉપરાંત કોન્સર્ટમાં પેપર કે થર્મોકલને સ્થાને રિયુઝેબલ કપનો ઉપયોગ કરાશે.

મહત્ત્વનું છે કે, પ્રેક્ષકોને કાંડા પર પહેરવા અપાનારા LED  રિસ્ટબેન્ડ કૂસ્કી (ચોખાના ફોતરાં)માંથી બનેલા છે. શો પછી રિસ્ટબેન્ડ પાછા આપવાના રહેશે. છેલ્લા 10 દિવસમાં બે હજારથી વધુ ક્રૂ મેમ્બર્સ અને 100થી વધુ ક્ધટેઈનર ભરીને કોન્સર્ટનો સામાન આવી ચૂક્યો છે.

આ કારણે એટલી સંખ્યાને મેદાનમાં જ સમાવી લેવા બેરિકેડીંગ કરવામાં આવ્યું છે. બેરિકેડીંગમાં દર્શકો ઊભા-ઊભા કોન્સર્ટની મજા લઈ શકશે. આમ સ્ટેડિયમની સુરક્ષાથી માંડીને દર્શકોને સ્ટેજ પરના વિઝન સુધીની વ્યવસ્થાનું નિરીક્ષણ કરવામાં આવી રહ્યું છે. બીજી તરફ આ કોન્સર્ટમાં કેટલાક નેતા અને દેશના અગ્રણી ઉદ્યોગપતિઓ પણ આવે તેવી ચર્ચા છે.

દરેક કેટેગરીના પ્રેક્ષકો કોન્સર્ટ માણી શકે તેને ધ્યાનમાં લઈને સ્ટેજ અને LED ડિઝાઈન કરવામાં આવ્યા છે. દિવ્યાંગો માટે સાઈન લેંગ્વેજ એક્સપર્ટની વ્યવસ્થા કરાઈ છે. ધ મ્યુઝિક ઓફ ધ સ્ફિયર્સ ટૂરનો હેતુ કાર્બન ઉત્સર્જનમાં 50 ટકાના ઘટાડાનો છે. બેન્ડ તેના શોને પાવર આપવા કાઈનેટિક ડાન્સ ફ્લોર અને સ્ટેશનરી બાઈકનો ઉપયોગ કરે છે.

આ સિસ્ટમથી જ એનર્જી જનરેટ થશે. કોન્સર્ટના 500થી વધુ ક્રૂ મેમ્બર વેગન ડાયેટને વરેલા છે. ક્રૂમાં 50 ટકા મહિલા છે. કોલ્ડ પ્લેનો દરેક કોન્સર્ટ પર્યાવરણ સરંક્ષણને વરેલો છે. આ શોથી યુવા પેઢીને મેસેજ આપવામાં આવશે. પર્યાવરણનો થીમ હોવાથી સ્ટેડિયમમાં સ્વચ્છતા પર ખાસ ધ્યાન રાખવામાં આવશે.

 

Related News
Sports News
Loading...
Facebook Twitter LinkedIn Pinterest
Get In Touch

Rajkot - Head Office, Sanj Samachar Corporate House, 2nd Floor, Kasturba Road, Near Sharda Baug
Rajkot-360001

0281-2473911-12-13

[email protected]

Privacy-policy
Keep In Touch

Subscribe to Our Newsletter to get Important News & Offers

Download App from

Download android app - Sanj Download ios app - Sanj