બુલડોઝરથી આડેધડ ઘર તોડવા બદલ ઉજ્જૈન હાઈકોર્ટની ફટકાર: વળતર ચૂકવવા આદેશ

India | 12 February, 2024 | 05:22 PM
મકાન તોડી પાડવાને બદલે મ્યુનિસિપલ કોર્પોરેશનને રેગ્યુલરાઈઝ કરવા વિચારવું જરૂરી હતું: હાઈકોર્ટ
સાંજ સમાચાર

ઉજ્જૈન (મધ્યપ્રદેશ) તા.12
ભારતમાં આજકાલ બૂલડોઝર મોડેલની ભારે ચર્ચા ચાલે છે જેમાં સરકારી ઓથોરિટી બૂલડોઝર લઈને ગેરકાયદે ઇમારતો અને દુકાનો પાડી દે છે. જોકે, આ મોડેલનો બેફામ ઉપયોગ કરવા સામે સવાલ પેદા થયા છે. મધ્ય પ્રદેશમાં ઉજ્જૈન કોર્પોરેશને આવી રીતે મકાનો ધ્વસ્ત કરી દેતા મધ્ય પ્રદેશ હાઈકોર્ટે તેની ગંભીર નોંધ લીધી છે અને મકાન તોડવા બદલ એક-એક લાખ રૂપિયાનું વળતર ચૂકવવા કોર્પોરેશનને આદેશ આપ્યો છે.

મધ્ય પ્રદેશ હાઈકોર્ટની ઈન્દોર બેન્ચે કહ્યું કે આજકાલ કુદરતી ન્યાયના સિદ્ધાંતની પરવા કર્યા વગર ઓથોરિટી ગમે તેના મકાનો તોડી પાડે છે. આ રીતે મકાન ધ્વસ્ત કરી દેવાની ફેશન શરૂ થઈ છે. ઉજ્જૈન મ્યુનિસિપલ કોર્પોરેશને આવી રીતે મકાનો તોડી નાખતા તેની સામે ફરિયાદ થઈ હતી જેમાં બંને મકાનમાલિકોને એક-એક લાખ ચૂકવવા હાઈકોર્ટે આદેશ આપ્યો છે.

13 ડિસેમ્બર 2023ના રોજ સાંદીપની નગરમાં મકાન માલિકોને અગાઉથી નોટિસ આપ્યા વગર તેમના ઘર પર બૂલડોઝર ચલાવી દેવાયું હતું. આ કેસમાં રાધા લાંગરી અને વિમલ ગુર્જર નામની વ્યક્તિઓએ કોર્ટમાં અરજી કરી હતી. જસ્ટિસ વિવેક રુસિયાએ ચુકાદામાં કહ્યું કે મકાન પાડી દેવાનું આ કૃત્ય ગેરકાયદે હતું. બંને વ્યક્તિઓને કોર્પોરેશને પોતાની વાત રજુ કરવાની તક આપી ન હતી.

આ કેસમાં ન્યાયમૂર્તિએ જવાબદાર અધિકારીઓ સામે શિસ્તભંગના પગલાં લેવાનો ઓર્ડર આપ્યો છે. હાઈકોર્ટના નિર્દેશના પગલે ઉજ્જૈન મ્યુનિસિપલ કોર્પોરેશનના કમિશ્નરે કેસની તપાસ કરી હતી. જેમાં જાણવા મળ્યું કે અરજકર્તાઓના મકાન માટે જરૂરી પરમિશન લેવામાં આવી ન હતી. જોકે, સિવિક ઓથોરિટીએ અગાઉના મકાનમાલિકોને આગોતરી નોટિસ આપી હતી. હાલના મકાનમાલિકોને નોટિસ અપાઈ ન હતી.

આ કેસમાં ઓથોરિટીએ ઓનસાઈટ વેરિફિકેશન કર્યા વગર પંચનામુ બનાવી લીધું હતું જેની કોર્ટે આકરી ટીકા કરી છે. કોર્ટે કહ્યું કે સર્વર ડાઉન હતું તેવું બહાનું કાઢીને કમિશ્નરે પ્રોપર્ટી ટેક્સ વિશે વિગતો નથી આપી. કોર્પોરેશન પાસે પ્રોપર્ટી ટેક્સની ચૂકવણીનો ફિજિકલ રેકોર્ડ છે. તેનું વેરિફિકેશન કરવામાં આવ્યું હોત તો પણ ખબર પડી ગઈ હોત કે ઘરનો પ્રોપર્ટી ટેક્સ કોણ ભરે છે. અરજકર્તાઓએ ખુલ્લી જમીન નહીં પરંતુ મકાન ખરીદ્યું હતું. તેથી મકાન તોડી નાખવાના બદલે તેને રેગ્યુલરાઈઝ કરવા માટે વિચારવાની જરૂર હતી તેમ જસ્ટિસ રુસિયાએ જણાવ્યું હતું.

 

Related News
Sports News
Loading...
Facebook Twitter LinkedIn Pinterest
Get In Touch

Rajkot - Head Office, Sanj Samachar Corporate House, 2nd Floor, Kasturba Road, Near Sharda Baug
Rajkot-360001

0281-2473911-12-13

[email protected]

Privacy-policy
Keep In Touch

Subscribe to Our Newsletter to get Important News & Offers

Download App from

Download android app - Sanj Download ios app - Sanj