કોરોના સામે વધુ એક પૂરક થેરાપી દવા 2- ડીજીને મંજુરી: વાયરસ વૃદ્ધિ અટકાવશે

08 May 2021 05:29 PM
India
  • કોરોના સામે વધુ એક પૂરક થેરાપી દવા 2- ડીજીને મંજુરી: વાયરસ વૃદ્ધિ અટકાવશે

નવી દિલ્હી: દેશમાં કોરોના સંક્રમણ સામે હવે 2- ડેઓકસ- ડી-ગ્લુકોઝ જે 2- ડીજી તરીકે ઓળખાય તે પૂરક થેરાપીનો ઉપયોગ કરવાને મંજુરી આપી છે. આ થેરાપી કોરાનાના માધ્યમથી તીવ્ર કક્ષામાં આવતા દર્દીઓનો પર ઉપયોગ કરી શકાશે. ડ્રગ કંટ્રોલર જનરલ ઓફ ઈન્ડીયાએ જણાવ્યું હતું કે કોરોનાની પ્રાથમીક નિશ્ર્ચિત સારવારની સાથે આ થેરાપી પૂરક ઈલાજ તરીકે ઉપયોગમાં લઈ શકાશે.
આ દવા ડીઆરડીઓની લેબ તથા ડો. રેડ્ડીની લેબોરેટરીએ સંયુક્ત રીતે તૈયાર થઈ છે અને તેના ઘટક હોસ્પીટલમાં રહેલા દર્દીની ઝડપી રીકવરી કરે છે અને ઓકસીજનની જરૂર ઘટાડે છે.
ડીઆરડીઓના જણાવ્યા મુજબ અનેક કેસમાં તે હાલ જે સ્ટાન્ડર્ડ ઓફ કેર પ્રક્રિયા છે તેના કરતા પણ વધુ ઝડપે દર્દીની રીકવરી કરે છે તેવું નોંધાયું છે અને સરેરાશ 2.5 દિવસ વહેલી રીકવરી આવે છે. આ દવા પાવડર સ્વરૂપમાં મળે છે જે પાણીમાં ગાળીને પી શકાય છે. આ દવા વાયરસની અસર પડેલા શરીરના કોષની આસપાસ એકત્ર થાય છે.


Related News

Loading...
Advertisement